E dei gratia Cantuariensis Archiepiscopus Tocius Anglie primas Dilectis filiis Archidiaconis Officialibus et Decanis per Herefordensem Coventrensem et Assavensem dioceses constitutis salutem gratiam et benedictionem Licet universis et singulis provincialibus nostris sumus iusticie debitores specialiter tamen illos confovere et protegere tenemur qui spretis huius mundi illicebris divino se manciparunt obsequio Attendentes igitur religionem et vite honestatem Abbatis et monachorum deo in monasterio de salopesberie sub regula beati benedicti famulantium personas eorumdem possessiones et bona omnia sub ecclesie dei et nostra recipimus protectione sub optestacione divini iudicii inhibentes ne quis eos vel bona sua contra libertates ecclesiasticas presumat indebite molestare siquis autem huic protectioni nostre ausu temerario contradicere presumpserit indignationem omnipotentis dei et nostram se noverit incursurum vobis autem mandamus firmiter iniungentes quatinus cum ad vos depositionibus suis ac bonis aliis turbatis fuerit perlata querela vos competenti monitione premissa malefactores et inquietatores eorumdem ea celeritate qua detuerit ad satisfactionem debitam auctoritate nostra per censuram ecclesiasticam conpellatis sic vos in hoc negocio gerentes ut devotionem nostram nobis merito reddatis in domino commendabilem Datum apud Salopesberiam vii Non[] maii pontificatus nostri anno primo valete

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.