B permissione divina cantuariensis archiepiscopus totius Anglie primas venerabili in Christo fratri dei gratia assavensi episcopo salutem et sincerum fraterne caritatis affectum Devoti nostri Thomas dei gratia Abbas salopesberie et eiusdem loci conventus humiles sua nobis conquestione monstrarent quod cum ipsi ecclesiam de albo monasterio vestre diocesis in proprios habeant suos usus Dominus Johannes filius Alani dominus Arundell[] ipsos quo minus de bonis et fructibus eiusdem ecclesie pro voluntate sua disponere valeant pro suo libito contra iusticiam impedit et perturbat in ipsorum preiudicium non modicum et gravamen super quo remedium apponere huc usque non curastis licet ut asserunt sepius super hoc requisiti Propter quod petierunt a nobis ut sibi super hiis paterna sollicitudine curaremus providere Quocirca fraternitati vestre mandamus in virtute obediencie nichilominus precipientes quatinus memoratum dominum Johannem moneatis et efficaciter inducatis et si necessarie fuerit per censuram ecclesiasticam compellatis ut ab indebitis dictorum Abbatis et conventus inquietacionibus omnino desistat et ipsos de bonis predicte ecclesie sue de Albo monasterio libere disponere et ordinare permittat Pastoralis officii debitum vobis commissum ita ad plenum exequentes ut de negligencia nullatenus argui set de diligencia possius merito commendar et pro defectum vestrum nullatenus super hiis querimonia amplius audiamus Datam Apud Lamb[] In vigilia omnium sanctorum anno domini m cc sexaginta

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.