Alexander dei gratia conventrensis et lichefeldensis episcopus Dilectis in Christo filio Abbati et conventui salopesberie salutem gratiam et benedictionem Ex officii nostri debito pre ceteris ipsos paterne fovere tenemur amplexu necnon et eorum procurare profectum quos sancte contemplationis ocium sponsi trahit et ducit in amplexum Ea propter dilecti in Christo filii religionem quam in vobis vigere credimus attendentes considerantes etiam quod ex ecclesiarum patronatu multum vobis oneris et parum huc usque commoditatis accreverit ecclesiam de Erkaloe vobis ad proprios usus perpetuo possidendam necessitatibus vestris compaciendo concedimus et episcopali auctoritate confirmamus salvo Nicholas eiusdem ecclesie rectori iure quod habet in ea quoad vixerit nisi prius eam resignare voluerit salva etiam vicaria quindecim marcarum in eadem ecclesia quas volumus in hiis porcionibus assignari et consistere quas in presenti possidet Alexander eiusdem ecclesie vicarius quem volumus dictam vicariam quoad vixerit possidere onera etiam eiusdem ecclesie que nunc sustinet idem vicarius preter procurationem Abbatis quam ipsum prestare volumus vicarius qui pro tempore fuerit sustinebit salvo etiam nobis et successoribus nostris iure pontificali et parochiali ut autem hec nostra concessio perpetue firmitatis robur optineat eam presenti scripto et sigilli nostri munimine fecimus roborari Hiis testibus Magistro Ricardo de Glovernia cancellario lich[] tunc officiale nostro Domino Ricardo de Stavenesbi germano nostro et aliis Datum cant[] undecimo Kalend[] Novembris pontificatus nostri anno quinto

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.