Omnibus Christi fidelibus ad quos presens scriptum pervenerit Stephanus de Stanleya salutem Noveritis me cartam Dominorum Abbatis et conventus Salopesberie recepisse in hec verba universis sancte matris ecclesie filiis presens scriptum visuris vel audituris frater h miseratione divina Abbas Salopesberie et eiusdem loci conventus salutem in domino Noverit universitas vestra nos dedisse et pro nobis et successoribus nostris concessisse Stephano de Stanleya in manerio nostro de Estleg[] et Juliane uxori sue tunc superstiti duos panes monachiles quemlibet de pondere quinquaginta solidorum et unum panem servientum et duas lagenas de servisia conventus et unam lagenam de servisia familis et unum ferculum carnium et unum intermissum quale habent servientes Abbatis per dies carnium et unum ferculum alicuius generis piscium per dies piscium perservientem ipsius Stephani vel Juliane ad hoc deputatum accipienda de Coquina Abbatis per singulos dies quoad dicti Stephanus et Juliana vixerint plenarie et absque omni contradictione Concessimus etiam dictis stephano et Juliane unam marcam argenti pro robis suis contra Natale domini vel infra predictum terminum et v solidos pro pannis lineis calciamentis et sustentacione ignis eorumdem ad festum beati petri ad vincula per singulos annos sine occasione aliqua percipienda Ad haec concessimus dictis Stephano et Juliane unum mesuagium cum omnibus pertinentiis suis in vico nostro de forieta in quo Thomas pincerna habitare consuevit in quo habitare possunt libere et sine omni exactione dum vixerint et cum opus fuerit dictum mesuagium redificari et emendari faciemus sumptibus nostris nisi culpa sua fuerit destructa vel combusta si vero dictus Stephanus dictam Julianam supervixerit tunc idem Stephanus plenarie omnia prenominata salvo quod de dicta marca medietatem pro roba sua percipiet si vero dicta Juliana supervixerit dictum Stephanum percipiet tantum medietatem omnium predictarum portionum et medietatem predicte marce pro roba sua rata permanente concessione nostra de mesuagio predicto et redificatione et emendacione eiusdem si vero contingat quod dicta Juliana mortuo dicto Stephano vexaverit nos vel successores nostros de dote sua recuperanda de terris a dicto Stephano nobis datis et concessis minimes penitus erimus a prestacione omnium dictarum portionum sibi a nobis concessarum similiter et a concessione domus supradicte predictam vero donationem et concessionem pro nobis et successoribus nostris predictis Stephano et Juliane dum vixerint modo supradicto fecimus Ne iidem Stephanus et Juliana ad inopiam vergerent ea occasione quod omnes terras et possessiones quas habebant vel habituri sint apud stanleyam in manerio nostro de Estleg[] vel alibi nobis caritatis intuitu contulerant In cuius rei testimonium presenti scripto sigilla nostra apposuimus et dictus Stephanus transcriptum istius carte sub sigillo suo et nomine suo nobis confecit Hiis testibus Rogero Corbet de tasseleg[] Hugone de Kynsitheleg[] Andrea de Northleya et multis aliis Datum Anno gratie m cc quinquagesimo secundo In huius rei testimonium presenti scripto sigillum meum apposui

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.