Hec est finalis concordia facta in curia domini regis apud Lancastriam in crastino octabarum sancti Iohannis ante portam latinam anno regni regis Henrici filii regis Iohannis decimo nono coram Rogero Berthram Roberto de Ros Willelmo de Eboraco et Ricardo de Levinton[] iusticiariis itinerantibus et aliis domini regis fidelibus tunc ibi presentibus inter Willelmum filium Roberti petentem et Benedictum priorem de Burscogh[] tenentem de quadraginta acris terre cum pertinenciis in Lathum unde placitum fuit inter eos in eadem curia scilicet quod predictus Willelmus remisit et quietumclamavit de se et heredibus suis eidem priori et successoribus suis et ecclesie sue de Burscou totum ius et clameum quod habuit in tota predicta terra cum pertinenciis imperpetuum et pro hac remissione quietaclamacione fine et condordia idem prior concessit predicto Willelmo totam terram illam cum pertinenciis quam Everardus de Marton[] quondam tenuit de predicto priore in Marton[] habend et tenend eidem Willelmo de predicto priore et successoribus suis et ecclesia sua de Burscou tota vita ipsius Willelmi reddendo inde per annum duos solidos et sex denarios sterlingorum ad nativitatem beate Marie pro omni servicio et exaccione et post mortem ipsius Willelmi tota terra illa cum pertinenciis revertetur ad predictum priorem et successoribus suis et ad ecclesiam suam de Burscou libere de heredibus ipsius Willelmi imperpetuum

Source Fulltext: Cartulary of Burscough Priory. A. N. Webb. Remains, Historical and Literary, Connected with the Palatine Counties of Lancaster and Chester, Third Series V.18. Chetham Society. Manchester Univ. Press. Manchester. 1970.