Rogerus permissione divina Couventrensis et Lychefeldensis episcopus dilectis in Christo filiis priori et conventui de Bursko ordinis sancti Augustini [salutem gratiam et benediccionem Dignum] est ut hiis qui sub regulari disciplina Domino iugiter famulantur gratiam quam secundum Deum possumus favorabiliter impendamus Eapropter dilecti in Christo filii vestris postulacionibus inclinati et ad hoc propter loci vicinitatem cicius excitati ut ecclesie de Ormeschirche quam in usus proprios canonice optinetis vicario nunc ibidem existente cedente vel eciam decedente per proprium canonicum sacerdotem ydoneum et honestum nobis ac successoribus nostris per vos futuris temporibus presentandum qui nobis et eis de cura et spiritualibus vobisque de temporalibus congrue debeat respondere dummodo eidem sacerdoti tantum de ipsius ecclesie proventibus relinquatur quod ordinariis de suis iuribus respondere valeant et universa onera ipsi ecclesie incumbencia sustinere deservire possitis vobis quantum in nos est tenore presencium indulgemus ita quod sacerdotum huiusmodi qui per nos et successores nostros admissus fuerit nobis aut eis invitis ammovere nullatenus audeatis In cuius rei testimonium literas nostras vobis fieri fecimus has patentes Valete Dat[] apud Terve[] undecimo kalendas Septembris anno Domini millesimo ducentesimo octogesimo quinto et consecracionis nostre vicesimo octavo

Source Fulltext: Cartulary of Burscough Priory. A. N. Webb. Remains, Historical and Literary, Connected with the Palatine Counties of Lancaster and Chester, Third Series V.18. Chetham Society. Manchester Univ. Press. Manchester. 1970.