Universis pateat per praesentes quod nos Capitulum [...] ad recipiendum a venerabili viro Domino J[] de Sandale Domini Edwardi Dei gratia Regis Angliae illustrissimi in Scotia camerario ducentas et octo libras prout in mandato regis eidem directo plenius continetur nobis a dicto Domino Rege illustri debitas de tempore jam transacto usque ad quandam elemosinam apud Beverlacum per nos annis singulis faciendam Dominum Gilbertum de Grymesby praecentorem nostrum ac capellanum Domini Regis illustris attornatum nostrum constituimus et nuntium specialem Dantes eidem plenam potestatem de summa pecuniae quam a dicto Domino receperit litteras acquietanciae faciendi Ratum habituri et firmum quicquid idem Dominus Gilbertus nostro nomine fecerit in praemissis In cujus rei etc Datis Beverlaci iij Kalendas Junii anno Domini m ccc quinto Consignata fuit ista littera per Magistros W[] et H[] canonicos

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.