In Dei nomine anno ejusdem m ccc quinto indictione tertia quinto die mensis Junii in mei notarii publici infrascripti et testium subscriptorum Venerabile Capitulum Beati Johannis Beverlacensis Eboracensis Diocoeseos pro ipso et pro omnibus et singulis de dicto Capitulo existentibus et quolibet ipsorum ac etiam pro ecclesia sua praedicta redditibus et proventibus ac ceteris rebus suis quibuscunque discretum nostrum Magistrum Adam de Kyrkeby clericum absentem tamque praesentem procuratorem suum ordinavit fecit et constituit ad impetrandum vice et nomine dicti Capituli et existentium in eodem in sancta Curia Romana litteras tam simplices quam legendas gratiam seu justitiam continentes et ad contradicendum litteris contra dictum Capitulum existentesque in eodem ac etiam contra dictam ecclesiam impetrandis conveniendum et consentiendum in loca et judices et eos si necesse fuerit recusandum cautiones quascumque nomine eorundem petendum et recipiendum alium vel alios procuratores loco sui substituendum substitutum seu substitutos ab eodem revocandum et officium procuratoris in se reassumendum Promisit etiam Capitulum supradictum mihi notario infrascripto stipulanti vice et nomine omnium quorum interest vel interesse poterit se ratum et firmum habiturum quicquid per dictum suum procuratorum substitutum seu substitutos ab eodem actum seu procuratum fuerit in praemissis et quolibet praemissorum sub ypotecha et obligatione omnium bonorum ejusdem Acta sunt haec apud Beverlacum in Capitulo ecclesiae Beati Johannis praedictae anno indictione mense et die supradictae praesentibus Dominis Roberto de Sigglesthorne Hugone de Otringham et Johanne de Risindon vicariis ecclesiae Beati Johannis praedictae testibus ad hoc vocatis et rogatis Et ego Galfridus Patricius de Maltona clericus Eboracensis diocoeseos auctoritate Apostolica et Imperiali Notarius publicus praemissis omnibus interfui et ea sic fieri vidi et audivi et in hanc publicam formam redegi singnoque mea consueto et nomine singnavi rogatus in testimonium praemissorum

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.