Christi fidelibus pateat universis quod cum Nos Capitulum Beati Johannis Beverlacensis audivissemus et recepissemus finalem compotum Domini Thomae de Weverthorp pro toto tempore quo officium Receptoris seu Camerarii nostri gessit vel habuit in ecclesia nostra Beverlacensi ac etiam de omnibus receptis et obventionibus tam de corrodiis nostris in Bederna Beverlacensi et arreragiis eorumdem vacante praepositura Beverlacensi vel alio tempore quam de omnibus et singulis proficuis quocumque nomine censeantur quae per nos et nomine nostro vice vel auctoritate nostra recepit seu habuit pro toto tempore supradicto oneratis onerandis computatis computandis et allocatis hinc inde omnibus et singulis allocandis comperuimus evidenter quod idem Thomas in nullo nobis tenebatur sed a praedicto compoto totaliter quietus recessit Unde eundem Thomam a praedicto compoto et omnibus actionibus oneribus ratiocinis seu demandis ejusdem compoti quietum clamavimus et etiam imperpetuum absolvimus per praesentes quas sigillo nostro in praemissorum fidem et testimonium fecimus consignari Datas Beverlaci iij Kalendas Julii anno Domini m ccc quinto Et consignatum fuit ad praecepta Magistrorum Walteri de Glovernia et H[] de Carleton

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.