Nobilibus et discretis viris ac dominis Justitiariis illustrissimi regis Angliae ac fidelibus quibuscunque Capitulum Beati Johannis Beverlacensis Salutem in Domino Noveritis nos posuisse loco nostro dilectum filium nostrum Thomam de Burton exhibitorem praesentium ad libertates nostras petendas et calumpniandas de nobis et tenentibus nostris in omnibus placitis contra nos vel tenentes nostros motis vel movendis in Banco vel alibi coram vobis ad jurisdictionem vestram qualitercunque spectantibus Ratum et gratum habentibus quicquid praedictus Thomas in praemissis fuerit faciendus vel calumpniandus sub nomine nostro vel tenentium nostrorum praesentibus post biennium nullatenus valituris In cujus rei testimonium sigillum nostrum commune est appensum Datis Beverlaci iiij Nonas Octobris anno Domini m ccc quinto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.