Universis sanctae matris ecclesiae filios ad quorum notitiam pervenerit haec scriptura Pateat per praesentes quod nos Capitulum Beati Johannis Beverlacensis Dilectum nobis in Christo Johannem de Fitling procuratorem nostrum legitimum et nuntium specialem latorem praesentium facimus ordinamus et constituimus per totam dyocoesim et provinciam Eboracensem tam in locis exemptis quam non exemptis necnon per dyocoesim Lincolniensem ad petendum colligendum et recipiendum elemosinas Christi fidelium nomine nostro nobis et fabricae ecclesiae nostrae ac novae capsulae Beati Johannis praedicti datas vel assignatas dandas vel assignandas Dantes eidem Johanni vel ejus certis nuntiis pro quibus idem Johannes respondere voluerit plenam potestatem nostram generalem et specialem a quibuscunque ordinariis dictarum provinciae et dyocoeseos ac insuper ab Episcopo Lincolniensi litteras impetrandi ac etiam falsarios revocandi et omnia alia et singula faciendi in negotio memorato quae per verum et legitimum procuratorem potuerunt expediri Ratum et gratum habituri quicquid per dictum Johannem actum gestum seu procuratum fuerit in praemissis vel aliquo praemissorum praesentibus post triennium minime valituris quibus sigillum apposuimus in testimonium praemissorum Datis Beverlaci vj Idus Decembris [etc]

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.