Universis sanctae matris ecclesiae filiis ad quos pervenerit haec scriptura Capitulum Beati Johannis Beverlacensis Salutem in amplexibus Salvatoris Noverit universitas vestra nos testamentum Domini Gilberti de Grymisby quondam Praecentoris ecclesiae nostrae per nos canonice approbatum sub tenore qui sequitur inspexisse In nomine Patris et Filii et Spiritus sancti Amen Ego Gilbertus de Grimisby capellanus in hunc modum meum condo testamentum die Sabbati proximo ante festum Sancti Petri in Cathedra anno Domini m ccc quinto In primis lego animam meam Deo et omnibus sanctis curiae coelestis et corpus meum ad sepeliendum in monasterio Sancti Johannis Beverlacensis si fieri potest sin autem in cimiterio fratrum praedicatorum in cera circa corpus meum v s Item in convocatione amicorum die sepulturae meae x s Item lego Domino Roberto de Harpham rectori ecclesiae Sancti Nicholai j equum album et j pullum bay Item lego Domino Ricardo de Byrkyn capellano j hakenay lyard et robam meam meliorem integram et portiforium meum et lectum meum cum omnibus pertinentiis Item lego Waltero de Grymesby j robam simplicem Item lego Baldewyno j supertunicam et j collobium cum capitio Volo etiam et concedo quod totum residuum bonorum meorum in isto testamento non legatum sit in dispositione executorum meorum Istius autem testamenti istos meos ordino facio et constituo executores scilicet Dominum Robertum de Harpham superius in praesenti testamento nominatum et Dominum Ricardum de Birkyn capellanum In cujus inspectionis et approbationis testimonium sigillum nostrum praesentibus est appensum Datis Beverlaci iij Kalendas Septembris anno Domini m ccc sexto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.