Noverint universi quod cum nos Johannes de Risindon auditor causarum capituli Beati Johannis Beverlacensis Thomam le Hyrd Dominos Hugonem de Otringham Johannem de Siggilesthorn et Willelmum de Spridlington executores testamenti Magistri Willelmi de Haxby quondam canonici in ecclesia Beati Johannis praedicti ad reddendum finalem computum de sua administratione in bonis praedicti defuncti facta fecerimus coram nobis ad certos diem et locum judicialiter evocari facta insuper solempni proclamatione in processionibus in dicta ecclesia celebratis quod omnes qui a dictis executoribus aliqualiter debita petere vel exigere vellent sive ex testamento sive ex alia causa qualicunque ea debita citra dictum diem vel saltem ad eundem diem peterent vel exigerent cum effectu iidem executores comparuerunt sufficienter et legitime secundum formam vocationis sibi factae et de sua administratione compotum reddiderunt super quorum compoto deductis deducendis et allocatis allocandis invenimus ipsos executores in bonis dicti defuncti fideliter administrasse ultimamque voluntatem ipsius totaliter et plenarie complevisse Propter quod ipsos executores et eorum quemlibet ab omni onere ulterioris administrationis sententialiter et diffinitive absolvimus per praesentes et a compoto et ratiociniis quibuscunque ipsos ratione dictae administrationis qualitercunque tangentibus quantum ad officium nostrum attinet liberos clamamus totaliter quietos testimonio praesentium quas sigillo Capituli Beati Johannis Beverlacensis praedicti ad citationes et petitiones faciendas fecimus communiri Datis in Capitulo nostro die Sabbati proxima post festum Purificationis Beatae Mariae A[nno] D[omini] m ccc sexto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.