In Dei nomine Amen anno ab incarnatione ejusdem m ccc sexto secundum cursum et computationem Ecclesiae Anglicanae Indictione quinta decimo tertio die mensis Januarii Constitutus personaliter in praesentia mei notarii infrascripti pupplici et testium subscriptorum Discretus vir Dominus Johannes de Dinington canonicus ecclesiae Beati Johannis Beverlacensis fecit ordinavit et constituit Reverendum virum Magistrum Johannem de Nassington concanonicum suum procuratorem suum Ad comparendum pro ipso in Capitulo Beverlacensi die Mercurii proxima post Dominicam in medio Quadragesimae videlicet octavo die mensis Martii cum continuatione et prorogatione dierum et ad tractandum cum ceteris canonicis ibidem et ad consentiendum quibuscunque ordinationibus factis vel faciendis per venerabilem patrem Dominum Willelmum permissione divina Eboracensem Archiepiscopum Angliae primatem vel Capitulum antedictum Promittens se ratum et firmum habiturum quicquid per dictum procuratorem actum gestum seu procuratum fuerit in praemissis Data erant haec praedicta apud Eboracum in camera hospitii Magistri Johannis de Nassington praedicti sub anno indictione et mense praenotatis praesentibus Domino Gilberto de Yarewell rectore ecclesiae de Gereford et Philippo de Stilinton testibus ad praemissa vocatis specialiter et rogatis Et ego Walterus de Yarewell clericus Lincolniensis diocoeseos sacrosancti Romani imperii pupplicus auctoritate notarius praemissis omnibus et singulis ut supra scribitur una cum dictis testibus praesens interfui eaque manu mea propria scripsi et in hanc publicam formam redegi meoque signo et nomine signavi rogatus Dictorum procuratoriorum copia reperietur in cophino de anno Domini millesimo ccc sexto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.