Acta in Capitulo iiij Kalendas Martii anno Domini millesimo ccc septimo secundum cursum et computationem ecclesiae Anglicanae Johannes de Dinington clericus procurator Reverendi viri Domini Willelmi de Estdene praesentavit nobis litteras venerabilis patris Domini Willelmi Dei gratia [etc.] quae sic incipiunt Willelmus permissione divina [etc.] provisor seu executor ad infrascripta a sede apostolica delegatus Dilectis filiis Capitulo et singulis canonicis ecclesiae nostrae Beverlacensis etc prout inferius continetur Quibus coram nobis lectis idem procurator quamdam litteram collationis praedicto domino suo factae de canonicatu et praebenda in nostra ecclesia Beverlacensi quae sic incipit W[] permissione divina [etc.] provisor [...] Dilecto filio Domino Willelmo de Estdene clerico nostro canonico ecclesiae nostrae Beverlacensis etc ut inferius exprimitur Qua littera lecta et plenius intellecta dictus procurator ad declarandum potestatem suam quoddam certificatorium exhibuit sigillo dicti Domini Willelmi consignatum una cum minore sigillo dicti Patris per modum collationis posito Quo lecto et intellecto super praemissis omnibus duximus deliberandum usque ad diem proximum sequentem quem diem dicto Domino Willelmo in persona procuratoris sui praedicti assignavimus ad faciendum in praemissis quod juris fuerit et rationis Quo die dictus procurator personaliter comparuit petens juxta formam litterarum praedictarum Domino suo praedicto stallum in choro et locum in Capitulo assignari una cum praebenda nulli alii de jure debita si vacaret Nos vero dictum Dominum Willelmum in persona procuratoris sui praedicti protestando quod si qua praebenda nunc vacaret nulli alii de jure debita eandem eidem Domino Willelmo assignaremus juxta formam litterarum praedictarum sed quia nulla praebenda quantum scivimus in nostra ecclesia tunc vacavit dictum Dominum Willelmum juxta formam vim et effectum litterarum dicti Patris admisimus in canonicum et in fratrem eidem juxta consuetudinem ecclesiae nostrae stallum in choro in persona procuratoris sui praedicti et locum in capitulo assignantes Copia vero litterarum praedictarum tam provisorii et executorii quam collationis et procuratorii est in cista Camerarii in parte occidentali ipsius cistae

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.