Universis sanctae ecclesiae matris filiis pateat per praesentes quod Nos Capitulum Beati Johannis Beverlacensis ad petendum colligendum et recipiendum nomine nostro fidelium elesimonas nobis ac novae fabricae ecclesiae nostrae pia fidelium devotione datas et dandas assignatas vel assignandas in civitatibus et dyocesibus Eboracensi Dunolmensi Karliolensi et Lincolniensi necnon ad impetrandum litteras a dictorum locorum dyocesanis ceterisque praelatis et ordinariis quibuscunque quorum interest in hac parte et ad revocandum omnes et singulos quaestores ante diem confectionis praesentium qualitercunque constitutos et substitutos ab eisdem non obstantibus litteris nostris quibuscunque quas de cetero nullius volumus esse momenti vel vigoris ac ad arestandum omnes et singulos falsarios qui se fingunt nostros esse quaestores cum omnibus falsis reliquiis suis et fictis etiam munimentis suis quibuscunque et ad prosequendum contra eosdem coram quibuscunque judicibus tam curiae Christianae quam regalis et ad sibi substituendum procuratorem seu procuratores nuntium vel nuntios coadjutorem vel coadjutores et ad eosdem et eorum potestatem revocandum et ad faciendum omnia et singula quae ad officium quaestoris pertinent quoquo modo etiam si mandatum exigant speciale Dilectum nobis in Christo Elyam de Lumby clericum exhibitorem praesentium procuratorem nostrum et nuntium specialem ordinamus facimus et constituimus per praesentes ratum habentes et gratum quicquid a praedicto Elya actum gestum seu procuratum fuerit in praemissis et quolibet praemissorum Litteras vero et omnem potestatem concessas Johanni de Fitteling super officio quaestoris fabricae ecclesiae nostrae praedictae et per ipsum substitutis quibuscunque ex certis causis et legitimis tenore praesentium revocamus ita quod ad officium quaestoris principaliter exercendum virtute litterarum nostrarum ante diem confectionis praesentium factarum nullibi admittantur praesentibus per triennium minime valituris Datis Beverlaci ix Kalendas Decembris anno Domini m ccc octavo

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.