Anno Domini mcci regis Johannis ii facta est juracio apud C de terra Willelmi de C Veredictum eorum qui iurauerunt Juratores dicunt quod rex Henricus pater domini regis j[ohannis] liberauit abbati Andree villam C cum pertinenciis ad operacionem ecclesie C quam h[enricus] auus fundauit et eo tempore tenuit Willelmus C terram suam in C pro xx s cum aliis consuetudinibus Et Hugo pater eiusdem Willelmi tenuit predictam terram in C tempore Henrici regis aui eodem modo Et jdem Willelmus recongnouit per sacramentum suum coram comite Leicestr[] et Henrico de la Pomereie et Willelmo de Bello Campo tunc justiciariis quod tenuit terram illam jn vilenagium Et Hamundus de Baudint[] et Willelmus de Hottot et Alanus de Bosco et Alexander Janitor interfuerunt illi recongnicioni qui hoc idem testantur Et hoc idem recognouit iterum coram comite Gloec[] et Widone Rufo decano de Waltham et Thurstano filio Simonis tunc justiciariis Idem uero Willelmus obiit tempore h[enrici] regis patris et tempore abbatis Ade Et quidam cellerarius eiusdem abbatis nomine R [...] de Langel[] saisiuit terram predicti Willelmi post obitum suum in manum predicti abbatis et extirpauit gardinum suum et domos prostrauit et amouit auctoritate cuiusdam breuis patentis Henrici regis patris quem adhuc habent directum ad abbatem C jn hec uerba h[enricus] rex Anglorum et dux Normanorum et cetera abbati de C salutem Precipio tibi quod retrahas et teneas omnia dominica mea de C sicut probi homines de C illa iurauerunt et nominatim seruicium et tenementum Willelmi de C sicut illud iuratum est per probos homines C Teste magistro Aluer[] apud Wudestok[] Robertus uero frater eius post obitum eiusdem Willelmi saisiuit terram illam in manum suam sicut ille qui fecit se heredem Et abbas Robertus conquestus est domino regi et Willelmus filius Stephani tunc vicecomes ex precepto domini regis amouit eum et reddidit terram illam predicto abbati Mortuo uero abbate Roberto rex saisiuit abbatiam in manum suam cum uilla de C et cum pertinenciis et commisit eam custodiendam Ricardo Britoni et Thome de Cuserugge et Willelmo Janitori qui terram illam coluerunt sicut dominicum domini regis Procedente tempore Ricardus abbas nunc superstes impetrauit a rege [...] uillam C cum pertinenciis suis et postea habuit cartam regis Ricardi de confirmacione terrarum illarum et modo de domino rege j[ohanne] talem ingressum habet abbas Ricardus in terram illam Et dicunt quod non est eskaeta domini regis nec quod potest eam dare et valet c s uel plus Nomina juratorum Isti sunt juratores de jnquisicione terre Willelmi de C facta per preceptum domini regis coram Thoma de Rocheford vicecomite Gloec[] apud C Osbertus de Shipt[] Hamo de Baudint[] Robertus Achard Ricardus de Bagginden[] Thomas de Veim Milo de Cerneia Amfrei Thorel Walterus de Colesburn[] Willelmus Hottot Willelmus filius Reg[] Alanus de Bosco Almaricus de Colesburn[] Ricardus de Gardino Johannes Segare Thomas de la More Robertus de Cardeuill[] Jordanus filius Ysaac Alexander Portarius Robertus Erkinbaud Adam de Aqua Alwoldus Prepositus Ricardus Heort Ricardus Orligan Walterus de Cotes

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.