Memorandum quod anno regni regis Edwardi xxxiij in vigilia beati Gregorii pape ita convenit inter dominum Henricum abbatem Cir[] et eiusdem loci conventum ex parte una et Robertum de Cruddewell[] ex altera videlicet quod predictus Robertus reddidit in manus abbatis omnia tenementa sua que de ipsis tenuit in villa et campis de Cir[] et de Chesterton[] ut in omnibus redditibus curtilagiis pratis pascuis et pasturis cum omnibus pertinenciis suis et cum omnibus bonis et catallis suis mobilibus et immobilibus in predictis tenementis inventis de se et heredibus suis imperpetuum Et abbas et conventus predicti receperunt predictum Robertum in specialem fratrem ecclesie sue concedentes eidem participacionem omnium bonorum spiritualium que fient in ecclesia predicta imperpetuum Concesserunt eciam predicto Roberto perhendinacionem suam honestam pro se et uno garcione et uno equo infra abbatiam suam vel extra ad totam vitam suam sub forma que sequitur percipiendam videlicet unam cameram competentem cum garderoba foragia et focali sufficientibus quando et quociens eisdem indiguerit sive in hyeme sive in estate et singulis diebus vite sue unam micham canonicalem et galonem servisie conventus et de coquina singulis diebus in omnibus sicut uni canonico tam in generali quam in speciali de communi providendo Quando vero et quociens in mensa domini abbatis morari voluerit inter canonicos commensales abbatis locum habebit et eodem modo procurabitur et interim cessabit prebenda sua in camera supradicta Concesserunt eciam eidem singulis annis in roba et calciaturis sicut uni ex precipuis valletis abbatis et garcioni suo qui pro tempore fuerit in esculentis et poculentis sicut uni garcioni de stabulo abbatis et ad runcinum suum stabulum competens et duas carectatas feni singulis annis percipiendas cum foragio et prebenda secundum quod percipiunt ceteri valleti abbatis Per istam vero concessionem cessabunt omnia sibi prius concessa per aliud scriptum sibi et Waltero de Lullebroke dudum per nos confectim quod si inveniatur quo ad corredium dicti Roberti pro nullo habeatur In cuius rei testimonium et cetera

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.