notum sit omnibus Christi fidelibus hoc presens scriptum visuris vel audituris quod in festo Purificacionis beate Marie anno regni regis Edwardi xx nono ita convenit inter dominum Henricum abbatem Cir[] et eiusdem loci conventum ex parte una et fratrem Willelmum priorem hospitalis sancti Johannis de Lechelade et fratres eiusdem loci ex altera Cum dicti abbas et conventus et prior et fratres prenominati quasdam particulas et porciones in pratis de Baudinton[] videlicet in quodam clauso juxta curiam dictorum prioris et fratrum ex parte boriali et quodam prato dicto Wyth Innelak[] et in alio prato dicto Outmed[] inter Baudinton[] et Beoresfordebrugg[] ex antiqua collocacione in communi habuissent et annuatim tempore falcacionis porciones et particulas suas in dictis pratis sortiri sive per rodas dividere consuevissent exnunc pro toto tempore futuro unanimi assensu et voluntate dicte partes porciones et particulas suas predictas ita diviserunt et hinc inde ad utilitatem utriusque partis et ecclesiarum suarum pro se et successoribus suis pristine consuetudini renunciando imperpetuum remiserunt scilicet quod abbas et conventus Cir[] pro parte sua et porcione in pratis predictis de cetero in solidum habeant seorsum pratum suum separatim in prato forinseco de Baudinton[] inter pratum dictorum prioris et fratrum et pratum Roberti de Penyton[] certis bundis et finibus distinctum quod se extendit de quadam semita juxta dictum pratum ad cursum aque in longitudine et continet xx quatuor rodas usuales in latitudine sine contradiccione dictorum prioris et fratrum seu cuiuslibet porcionarii in dictis pratis sibi et successoribus suis ad jus et soli proprietatem certo tempore annuatim defendendum muniendum et falcandum optineant et possideant libere quiete imperpetuum salvis communa et consuetudine dictis priori et fratribus et ceteris dictorum pratorum porcionariis post falcacionem et feni levacionem dictum solum cum animalibus suis pascendis ut fieri consuevit et dicti prior et fratres hospitalis predicti porciones et particulas suas se et ecclesiam suam in dictis pratis contingentes unanimi assensu et voluntate dictorum abbatis et conventus certis finibus et bundis distinctas ad jus et soli proprietatem seorsum habeant imperpetuum ut alteri parti prius concessum est salvis ut prius jure et consuetudine dictis abbati et conventui et cuilibet porcionario post falcacionem dicta prata in communi pascendi ut hactenus fieri consuevit hoc adjecto quod dicti abbas et conventus ab omni juris vendicacione et communa infra clausum dictorum prioris et fratrum superius nominatum sint exclusi In cuius rei testimonium partes predicte huic presenti scripto cirographato sigilla sua alternatim ex certa sciencia apposuerunt perpetuo valitura Dat[] Cir[] et cetera

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.