Noverint universi hoc scriptum visuri vel audituri quod cum quedam contenciones exorte fuerunt de quibusdam demandis inter abbatem et conventum Cirencestr[] ex una parte et abbatissam et conventum sancte Trinitatis de Cadamo et homines suos ex altera in hunc modum conquieverunt videlicet quod de cetero bis per annum tantum scilicet circa festum sancti Martini et circa le Hockeday ad racionabilem summonicionem ballivorum dictorum canonicorum veniet ad hundredum Cirencestr[] qui vocatur aagheday loco debito et consueto decennarius de Pendebury cum quatuor hominibus eiusdem ville terram tenentibus coram ballivis dictorum canonicorum ad pacem domini regis conservandam presentando quod ad dictum diem pertinet sine aliqua occasione vel amerciamento et ad singulos dictos dies dabunt predictis ballivis tantum novem denarios Et si quis predictorum quinque hominum ad dictos dies defaltam fecerit predicti canonici per suos ballivos capient tantum sex denarios pro qualibet defalta Preterea si contingat in posterum aliquem vel aliquos de hominibus tenentibus residentibus vel ballivis dictarum monialium de Hampton[] Avenynge et Pendebury cum suis pertinentiis in hundredo Cirencestr[] vel Langetre implacitari vel inquietari et ex parte predictarum monialium petatur curia dicte abbatisse secundum legem terre communem sine dilacione et contradiccione secundum legem terre communem concedatur et asportetur Et si contingat quod querela aliqua pro defectu peticionis curie dicte abbatisse in hundredis predictis remaneat placitanda vel terminanda quilibet de dictis hominibus tenentibus residentibus seu ballivis dictorum maneriorum secundum legem terre amerciandis dabit pro misericordia tantum sex denarios Item senescallus dictarum monialium qui pro tempore fuerit coram dicto abbate vel ballivis eius in predictis hundredis implacitari vel inquietari nisi vocetur ad warantum vel pro personali transgressione vel precepto de cetero non compellatur Et si contingat dictum senescallum qui pro tempore fuerit tempore querele vel districcionis absentem esse per viginti leucas a villata Cirencestr[] predictus abbas concessit pro se et successoribus suis et suis ballivis quantum in ipsis est quod bene licebit dicto senescallo qui pro tempore fuerit per litteras suas patentes in predictis placitis et inquietacionibus attomatum suum facere et constituere Et si aliquo modo amerciandus fuerit in predictis hundredis dabit tantum sex denarios pro misericordia Dicta Vero abbatissa que pro tempore fuerit per predictum abbatem vel per ballivos suos ad dictos hundredos nullo modo compellatur venire nec respondere nisi in dictis locis presens fuerit et cum ibidem venerit et amercianda fuerit dabit tantum pro misericordia sex denarios In cuius rei testimonium una pars alterius scripto sigillum capituli sui apposuit Hiis testibus domino Willelmo de Heortona et cetera Datum apud Cirencestr[] die Veneris in septimana Pentecostes anno regni regis Henrici filii regis johannis quinquagesimo secundo

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.