Hec est finalis concordia facta in curia domini regis apud Glouc[] in crastino Ascencionis Domini anno regni regis Henrici filii regis Johannis quinquagesimo tercio coram Ricardo de Middelton[] Ada de Greynvill[] Rogero de Messyngdene et Thoma Trevet justiciariis itinerantibus et aliis domini regis fidelibus tunc ibi presentibus inter Clementem filium Willelmi de Chel[] querentem et Johannem de Haddon[] et Emmam uxorem eius impedientes de decem acris prati cum pertinentiis in Minty unde placitum warantie carte summonitum fuit inter eos in eadem curia scilicet quod predicti Johannes et Emma recognoverunt predictum pratum cum pertinenciis esse jus ipsius Clementis ut illud quod idem Clemens habet de dono predictorum johannis et Emme habend et tenend eidem Clementi et heredibus suis de predictis Johanne et Emma et heredibus ipsius Emme imperpetuum reddendo inde per annum unum par albarum cirothecarum vel unum denarium ad Pascham pro omni servicio secta curiarum consuetudine et exaccione ad predictos Johannem et Emmam et heredes ipsius Emme pertinente et faciendo inde capitalibus dominis feodi illius pro predictis johanne et Emma et heredibus ipsius Emme omnia alia servicia que ad predictum pratum pertinent Et predicti Johannes et Emma et heredes ipsius Emme warantizant eidem Clementi et heredibus suis predictum pratum cum pertinenciis per predicta servicia contra omnes homines imperpetuum Et pro hac recognicione warantia fine et concordia idem Clemens dedit predictis Johanni et Emme duodecim marcas argenti

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.