In nomine Domini amen Cum nuper viri religiosi abbas et conventus Cirencestr[] ordinis sancti Augustini Wygorn[] diocesis dominum Walterum de Chiltenham clericum super eo quod idem super jure et possessione ecclesie de Amenel sancte Marie injuriabatur eisdem coram venerabili patre domino Godefrido Wygorn[] episcopo loci ordinario traxissent in causam dictus pater in dicta causa legittime procedens pro dictis religiosis sentenciam tulit diffinitivam et postea per partem dictorum religiosorum in curia Romana fuerat impetratum ad abbatem de Evesham judicem in hac parte principalem super confirmacione sentencie memorate in forma que sequitur Bonefacius[] episcopus servus servorum Dei Cuius auctoritate mandati dictus Walterus aliquando coram dicto judice principali ad certos dies et loca ad instanciam dictorum religiosorum legittime fuerat evocatus dictis religiosis per Willelmum de Rowell[] procuratorem eorum legittime comparentem ex parte una et dicto Waltero per Willelmum dictum le Mounter[] procuratorem suum legittime constitutos ex altera comparentibus Per partem dicti Walteri libellus fuerat petitus quo decreto et sub sigillo ipsius judicis optento in forma que sequitur Coram vobis viro religioso et domino abbate de Evesham judice unico a sede apostolica delegato seu vestro commissario quocumque ego procurator religiosorum virorum abbatis et conventus Cirencestr[] ordinis sancti Augustini Wygorn[] diocesis contra dominum Walterum de Chilteham clericum seu contra quemcumque pro eo legittime intervenientem seu procuratorem legittimum dico et propono quod cum bone memorie dominus Innocencius papa secundus ecclesiam de Amenel predicto monasterio de Cirencestr[] ac canonicis ibidem Deo servientibus in usus proprios pleno jure concessisset et ex certa sciencia eisdem appropriasset dictique canonici nomine dicti monasterii ipsam ecclesiam sic appropriatam diutius tenuissent pacifice et quiete fructus et proventus percipiendo de eadem dictique religiosi a possessione dicte ecclesie per dolum et fraudem cuiusdam abbatis dicti monasterii qui quendam nepotem suum parsonam secularem absque consensu conventus monasterii memorati primo ad predictam ecclesiam de Amenel subdole presentavit cuidam episcopo Wygorn[] loci diocesano qui dictum presentatum admisit ad predictam ecclesiam et rectorem instituit in eadem cuius ecclesie possessionem per dolum et fraudem dicti abbatis aliquamdiu amiserunt religiosi memorati Et consimili ducti errore prefata ecclesia de Amenel diutius extiterant destituti in grave prejudicium et dicti monasterii enormem lesionem Propter que religiosi memorati ad dictum Godefridum Wygorn episcopum loci diocesanum habuerunt recursum et importunaverunt ab eodem quod dictus Walterus dicte ecclesie de Amenel possessor super premissis evocaretur Judicioque legittime inchoato libello dato lite contestata juratis que de calumpnia seu veritate dicendis posicionibus factis responsis habitis super eisdem testibus productis attestacionibus publicatis instrumentis et munimentis exhibitis interogacionibus hincinde factis ad instruccionem dicti episcopi loci diocesani conclusoque in causa et omnibus premissis que de jute vel de facto premitti deberent die data ad sentenciandum dictus pater invocata Spiritus Sancti gracia pro dictis religiosis sentenciam tulit diffinitivam pronunciando dictum monasterium esse redeintegrandum et ipsam ecclesiam de Amenel monasterio predicto et canonicis ibidem Deo servientibus cum suis juribus et pertinenciis universis in usus proprios perpetuo possidendis restituit per decretum ipsamque ecclesiam ad jus et proprietatem dicti monasterii et canonicorum perpetuo pertinere sentencialiter et diffinitive declaravit Et ipsum Walterum quatenus de facto possessioni ipsius ecclesie incumbebat per sentenciam amovebat ac dictos religiosos in possessione dicte ecclesie decrevit fore reducendos et reduxit in forma juris Quare peto ego procurator predictus probatis in hac parte probandis seu confessatis confessandis detectis detegendis que michi nomine dictorum religiosorum et monasterii memorati sufficere debeant ad victoriam dictam sentenciam per dictum episcopum loci diocesanum pro dictis religiosis et dicto monasterio latam per vos auctoritate apostolica confirmari Premissa propono divisim non conjunctim non artans dictos religiosos neque me ad probacionem omnium et singulorum premissorum set quatenus probavero vel probaverint religiosi memorati eatenus optineant in premissis salvo eisdem et michi in omnibus juris beneficio addendi mutandi muniendi et cetera datisque judiciis deliberatoris lite ad dictum libellum affirmative contestata juramento de calumpnia sive de veritate dicende prestito posicionibus factis et reversionibus subsecutis instructis exhibitis et aliis probacionibus conclusoque in causa commissioneque nobis priori de Malmesbur[] in solidum facta in causa ipsa inter partes memoratas a judice principali die data ad sentenciandum pro termino preciso et peremptorio Nos commissarius predictus totum processum in dicta causa coram dicto episcopo primitus habitum recensentes et ea que fuerant coram dicto judice principali et nobis proposita allegata et probata advertentes invocata Spiritus Sancti gracia pronunciamus sentencialiter et diffinitive declaramus dictos religiosos jus et possessionem in dicta ecclesia de Amenel habuisse et habere in presenti et eandem eisdem esse canonice appropriatam decernimus necnon dicti Godefridi Wygorn[] episcopi loci diocesani sentenciam inter partes ipsas super ecclesia ipsa latam sentencialiter et diffinitive confirmamus dicto Waltero et quibuscumque aliis quorum interest perpetuum silencium auctoritate apostolica imponentes Dat[] in ecclesia conventuali Cirenc[] septimo decimo kal Decembris anno Domini mccc primo

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.