Anno regni regis Edwardi vicesimo in festo apostolorum Petri et Pauli ita convenit inter dominum Henricum abbatem Cirenc[] et eiusdem loci conventum ex parte una et Walterum Tryl et Aliciam filiam Roberti le Frankeleyn de Throham ex altera videlicet quod predicti abbas et conventus tradiderunt et concesserunt predictis Waltero Tryl et Alicie le Frankeleyn unam peciam terre arabilis in campo occidentali de Throham jacentem versus Clyveshale inter terram johannis de la Stevenegate in parte orientali et terram johannis Crech in parte occidentali et se extendit versus Clyveshale in parte australi et super terram predicti abbatis in parte boriali in escambium pro una acra terre jacente in parte australi ville de Throham inter terram Walteri Asketyl in parte australi et terram quondam johannis Hathewy in parte boriali et eciam pro una dimidia acra terre jacente apud la Lepgate inter terram quondam Walteri le Colyere in parte australi et terram Walteri Tryl in parte boriali et se extendit super murum qui ducit de Throham versus Clyveshal[] in parte orientali et predicta pecia terre similiter ita quod predicti Walterus et heredes eius et predicta Alicia et heredes eiusdem habeant et teneant totam predictam peciam terre cum suis pertinenciis de predictis abbate et conventu per modum escambii imperpetuum Et predicti abbas et conventus habeant et teneant totam predictam peciam terre cum predicta dimidia acra terre cum suis pertinenciis de predictis Waltero Tryl et de heredibus eius et de predicta Alicia et de heredibus eiusdem per modum escambii imperpetuum Et ut hec convencio tradicio et concessio rata et stabilis imperpetuum permaneat huic presenti scripto in modum cirographi confecto partes alternatim sigilla sua apposuerunt Hiis testibus

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.