Universis sancte matris ecclesie filiis presens scriptum visuris vel audituris w[alterus] miseracione divina Sarum episcopus salutem in Domino Ordinacionem super statu vicarie de Wynterborn[] Abbatis auctoritate domini legati et nostra per discretum virum officialem nostrum factam inspeximus in hec verba conceptam Omnibus Christi fidelibus ad quos litere presentes pervenerint venerabilis patris domini Walteri episcopi Sarum officialis salutem Auctoritate venerabilis patris domini Ottoboni sancti Adriani diaconi cardinalis nuper apostolice sedis legati necnon et episcopi supradicti religiosis viris abbate et conventu de Cirencestr[] patronis ecclesie de Wynterborn[] Monachorum ad certos diem et locum peremptorie citatis quod inquisicioni per nos vice predicti episcopi faciende super proventibus ad perpetuam ipsius ecclesie vicariam hactenus assignatis interessent et eorundem proventuum animo veroque valore per viciniarum ecclesiarum rectores vicarios presbiteros parochiales necnon et per laicos ipsius ecclesie parochianos fidedignos et juratos diligenter inquirentes invenimus quod ipsius vicarie proventus hactenus dumtaxat in una virgata terre in omnibus oblacionibus et obvencionibus altaris in mortuariis decimis croftarum et terrarum que jacent pro croftis et in omnibus minutis decimis parochie consistebant quorum omnium verus valor annuus sexaginta et decem solidos non excedit et ex quibus vicarius hactenus sustinuit cereos processionales panem vinum et thus ad ipsus ecclesie ministerium procuracionem archidiaconi et onera sinodalia et omnia onera ordinaria Advertentes igitur quod eiusdem loci perpetuus vicarius ex huiusmodi proventibus comode sustentari et onera predicta supportare non posset auctoritate et vice predictorum legati et episcopi de predictorum eciam abbatis et conventus consensu expresso ad suplecionem eorundem proventuum eiusdem loci vicario assignamus totam decimam cuiusdam terre que vocatur le Oldelonde et tria quarteria frumenti puri et mundi et duo quarteria ordinis perpetuis temporibus in festo sancti Michaelis de grangia predictorum abbatis et conventus apud Avebury ipso vicario singulis annis persolvenda omnibus eciam oneribus extraordinariis inter ipsos abbatem et conventum et eundem vicarium pro rato dividendis Quam ordinacionem pro eo quod juri consonam et partibus esse acceptam invenimus auctoritate pontificali confirmamus et presentis scripti patrocinio communimus Et in omnium predictorum fidem et testimonium nostrum et ipsius officialis sigilla presentibus literis sunt appensa[] Dat[] apud Remesbury in crastino sancte Agathe virginis anno Domini mcc sexagesimo octavo

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.