Memorandum quod anno regni regis Edwardi vicesimo primo in festo sancti Michaelis ita convenit inter dominum Henricum abbatem Cirencestr[] et eiusdem loci conventum ex parte una et Willelmum filium Johannis le Meister de Hakeborn[] et Feliciam uxorem eius filiam quondam Michaelis de Cocham ex altera videlicet quod Willelmus et Felicia predicti remiserunt relaxaverunt et pro se et heredibus suis et suis assignatis imperpetuum quietumclamaverunt abbati et conventui Cirencestr[] predictis totum jus et clamium quod habuerunt vel aliquo modo habere potuerunt in pastura sex boum pascendorum in quodam prato quod vocatur Benmed[] in Eston[] Remiserunt et relaxaverunt abbati et conventui supradictis pasturam ad unum bovem in pastura que vocatur la Rixe juxta le Benmed[] in eadem villa Ita quod Willelmus et Felicia predicti nec heredes sui nec sui assignati aliquid juris vel clamii in pastura ad sex boves in Benmed[] nec in pastura ad unum bovem in la Rixe de cetero poterunt exigere clamare seu vendicare set ab omni exaccione et demanda imperpetuum sint exclusi Pro hac autem remissione relaxacione et quietaclamancia abbas et conventus predicti concesserunt et promiserunt Willelmo et Felicie predictis et heredibus suis vel suis assignatis habere imperpetuum pasturam ad tres boves et ad unum caballum in pastura que vocatur la Rixe a die Pentecostes usque festum Purificacionis beate Marie In cuius rei testimonium et cetera omnium et cetera

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.