Hec est convencio facta inter Hugonem abbatem et conventum Cirencestr[] ex una parte et Henricum de Sottewell[] ex altera videlicet quod predictus Henricus veniet ad comitatum de Berkeschir[] qui erit septima die Mardi anno regni regis Henrici filii regis Johannis decimo nono et ibidem quietumclamavit pro se et heredibus suis predictis abbati et conventui imperpetuum totum jus et clamium quod habuit et habere potuit aliquo tempore et aliquo modo juris in duabus carucatis terre cum pertinenciis in Eston[] unde placitum fuit in eos in predicto comitatu per breve domini regis de recto et cartam suam de quietaclamancia predicto abbati ibidem liberabit Et pro hac quietaclamancia et securitate facienda dederunt predicti abbas et conventus predicto Henrico viginti et septem marcas et dimidiam unde predictus abbas pacavit predicto Henrico decem marcas argenti premanibus Et predictus Henricus recipiet de predictis abbate et conventu a die Pasche in unum mensem anno prenominato decem et septem marcas et dimidiam Insuper eciam veniet predictus Henricus coram justiciariis qui proximum itinerabunt in comitatu de Berkesir[] et ibidem fieri facient predicti abbas et Henricus cirographum de finali concordia in curia domini regis inter eos de predicta terra cum pertinenciis in Eston[] Et si predictus Henricus ab hac convencione fraude vel dolo se subtraxerit et coram justiciariis ad cirographum faciendum venire contempserit obligavit se predictus Henricus pro se et heredibus suis ad solvendas predictis abbati et conventui de Cirencestr[] predictas viginti et septem marcas et dimidiam et omnem custum quem ad eas perquirendas racionabiliter apposuerint Et remanebit predicta carta ipsius Henrici de quieta clamancia predictis abbati et conventui Cirencestr[] imperpetuum Et in huius rei testimonium presens scriptum in modum cirographi confectim est et parti ipsorum abbatis et conventus sigillum predicti Henrici est appositum et similiter parti ipsius Henrici sigillum predicti abbatis est appositum et cetera

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.