Anno quo dominus Johannes rex Angliae in Hyberniam transfretavit anno videlicet tertio generalis interdicti Angliae die Beatae Mariae Magdalenae facta est haec conventio inter domnum Henricum abbatem et conventum Sancti Petri Gloucestriae ex una parte et Radulphum de Wilintone et Olimpiadem uxorem suam ex altera videlicet quod idem Radulphus et Olimpias uxor sua et haeredes qui de eis exeunt habebunt communam decem et octo boum in pastura dicti abbatis quae dicitur Chuhamme quando videlicet boves abbatis ponentur ad herbagium et communam x vaccarum simul cum vaccis abbatis a porta curiae de Abbilade usque ad pontem qui est in Moreslede Godrici ita quod si vaccae dicti abbatis transeunti ipsum pontem similiter et vaccae dicti Radulfi et haeredum suorum ipsum transibunt sine calumnia Et quandocunque vaccae abbatis positae fuerint ad herbagium in praedicta pastura quae dicitur Chuhamme similiter et vaccae ejusdem Radulfi ibidem ponentur Licebit autem eidem Radulfo et haeredibus suis si necesse habeant loco sex vaccarum sex boves ad pascendum ponere cum bobus abbatis dummodo sex vaccae amoveantur Praedictus vero Radulfus et haeredes sui non ponent boves suos vel vaccas in praedicta pastura antequam abbas et conventus Gloucestriae boves suos vel vaccas ad herbagium posuerint Dicti autem abbas et conventus non onerabunt praedictas pasturas de averiis forinsecis nisi tantummodo de averiis dominicorum suorum ita quod praedictae pasturae averiis abbatis et praedictis averiis Radulfi et haeredum suorum possint sufficere Praedicti vero abbas et conventus habebunt communam bobus suis de curia de Abbelode in pastura Radulphi praedicti et haeredum suorum quae videlicet pastura dicitur Hugecroft absque omni servitio exactione vel demanda Idem autem Radulfus et haeredes sui omnimodis providebunt quod pastura illa non oneretur averiis forinsecis nisi solummodo suis propriis averiis et averiis praedicti abbatis Ut igitur haec conventio rata sit et stabilis inperpetuum praesens scriptum inter dictos abbatem et conventum Gloucestriae et Radulfum praenominatum et Olimpiadem uxorem suam in modum cyrografi confectum est cujus altera pars sigillo abbatis et conventus Gloucestriae munita penes ipsum Radulfum et haeredes suos residet altera vero pars sigillo ejusdem Radulfi roborata penes abbatem et conventum Gloucestriae retinetur Hiis testibus

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.