Anno regni regis Henrici filii regis Johannis sexto de termino Paschae assisa venit recognoscere quis advocatus tempore pacis praesentavit ultimam personam quae mortua est ad ecclesiam de Burneham quae vacat etc cujus advocationem Rogerus de Clifforde clamat adversus abbatem Gloucestriae qui venit per attornatum suum et dicit quod assisa non debet inde fieri Re vera Robertus filius Roberti de Ewyas pater uxoris ejusdem Roberti ultimo praesentavit ad ecclesiam illam et post donum illud dedit idem Robertus ecclesiam illam domui suae per cartam suam quam profert et quae donum illud testatur Et continetur in carta quod idem Robertus Deo pro Deo etc ecclesiae Sancti Michaelis et Sancti Jacobi de Ewyas omnes ecclesias dominii sui cum omnibus pertinentiis suis et capellis etc videlicet ecclesiam de Sancta Keyn et ecclesiam de Ettone et ecclesiam de Lydeyard et ecclesiam de Burenham quam pater suus Haraldus dedit etc ad construendum prioratum de Ewyas per manum et dispositionem abbatis et conventus Gloucestriae secundum ordinem eorum Haec autem conditio inter abbatem et conventum Gloucestriae et ipsum Robertum constituta est quod abbas et conventus Gloucestriae ad festum Sancti Michaelis proximo futurum statuet ibi priorem cum uno monacho Et cum contigerit aliqua trium ecclesiarum scilicet de Etone et de Lydezard et de Burnham vacare abbas ponet ibi conventum qui ibidem remanebit si conventus ibi remanere possit et sufficienter sustentari Si autem minus sufficientem adhuc sustentationem habeant ex communi consilio abbatis et ejusdem Roberti remanebunt quot ibi poterunt sustentari Reliqui vero subtrahentur Et cum aliqua alia trium praedictarum ecclesiarum vacaverit abbas statuet ibi conventum ad manendum ibi si officinae fuerint convenienter constructae Et si non dum duabus ecclesiis vacantibus constructae fuerint officinae ab illo tempore in tres annos construendae erunt sufficienter ut deinceps conventus ibi maneat sine omni excusatione Profert etiam cartam Roberti filii sui quae donum illud confirmat et similiter praedictam conditionem Et Rogerus dicit quod cartae illae non debent ei nocere quin habeat seysinam suam quia per praedictam cartam debuit abbas posuisse conventum apud Ewyas et cum ecclesiae praedictae vel aliqua illarum vacasset debuit assignasse eam ad sustentationem ejusdem conventus per praedictam conventionem et super hoc contra cartam illam dedit idem praedictas duas ecclesias de Ettone et Lydezard duobus clericis qui ad praesentationem suam admittuntur ut personae et desicut ipse abbas non tenuit conventionem per cartam suam quam profert petit judicium si debeat cartam tenere et praeterea dicit quod ad hanc eandem ecclesiam praesentavit idem abbas clericum suum contra conventionem illam Et abbas dicit non dedit ecclesias illas et si illas dedisset hoc non stetit per cum quia in episcopo loci est ecclesias illas assignare in proprios usus de hoc quod dicit quod praesentavit clericum suum ad eandem ecclesiam hoc verum est quia episcopus loci voluit eam appropriare in usus suos Et si voluerit loqui de conventione bene poterit Et quia Rogerus cognoscit quod abbas est in seysina de duabus ecclesiis praedictis per praedictum donum et non stat per abbatem quin conventio teneatur consideratum est quod abbas recuperavit seysinam suam et Rogerus in misericordia

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.