Sciant praesentes et futuri quod ego Robertus de Ewyas filius Roberti do Ewyas dedi et concessi et praesenti carta mea confirmavi pro salute mea et uxoris meae Petronillae et filiae meae Sibillae et pro animabus patris et matris meae et antecessorum meorum in puram et perpetuam elemosinam Deo et ecclesiae Sancti Michaelis et Sancti Jacobi do Ewyas omnes ecclesias dominii mei cum omnibus pertinentiis suis et capellis et terris et decimis omnium eorum quae decimari debent videlicet ecclesiam Sanctae Keynae et ecclesiam Sanctae Foe de Ethone et ecclesiam Omnium Sanctorum de Lidiard et ecclesiam Sancti Andreae de Burenham quas pater meus Robertus et avus meus Haraldus de Ewyas dederunt et concesserunt et cartis suis confirmaverunt ad construendum prioratum in Ewyas per manum et dispositionem abbatis et conventus Gloucestriae secundum ordinem eorum Haec autem conditio inter abbatem et conventum Gloucestriae et me constituta est quod abbas ad festum Sancti Michaelis proximum venturum statuet ibi priorem cum uno monacho Et cum contigerit aliquam trium ecclesiarum videlicet vel de Etone vel de Burenham vel de Lydiard vacare domnus abbas ponet ibi conventum qui ibidem remanebit si convenienter ibi manere possit et sufficienter sustentari Si autem minus sufficientem adhuc sustentationem habeant ex communi consilio domni abbatis et meo retentis quod ibi poterunt sustentari Reliqui subtrahentur Et cum aliqua alia trium ecclesiarum praenominatarum vacaverit abbas ibi statuet conventum ad manendum ibi si officinae fuerint convenienter constructae Et si non dum duabus ecclesiis vacantibus constructae fuerint officinae ab illo tempore in tres annos construendae erunt sufficienter ut deinceps conventus ibi sine omni excusatione remaneat Convenit autem ita inter abbatem et conventum et me quod omnis querela super prioratu de Ewyas prius habita inter nos quae ad me spectabat ex hac conventione in perpetuum terminabitur Haec autem facta sunt anno Dominicae Incarnationis millesimo centesimo nonagesimo quinto in crastino solennitatis Sancti Petri quae dicitur Cathedra Hiis testibus domino Willelmo episcopo Herefordense Petro de Scudemore Petro de Puntintona Willelmo de Kenetta Willelmo de Parcho Davide de Stanleya Willelmo filio Walteri Willelmo de Chelewortha Herveo de Bares Willelmo Malbant militibus Johanne Decano Gloucestriae Magistro Ada do Langedone Magistro Johanne Clementis Magistro Ambrosio Gaufrido de Wottesdone Waltero Toky Symone de Cellario Willelmo Janitore Philippo Carbonel Willelmo Pincerna Henrico de Cotes

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.