Sciant praesentes et futuri quod ego Galfridus de Ledene anno Incarnationis Domini millesimo ducentesimo tricesimo primo in Annunciatione Beatae Mariae tradidi et concessi abbati et conventui Sancti Petri Gloecestriae unam croftam terrae meae quae vocatur Huthelotescrofte et jacet inter gardinum meum et regalem viam et unam acram prati mei quae jacet proprius Comede et duas acras prati mei in Muchelemede juxta pratum abbatis de Cormellis quod vocatur Commede et totum pratum meum quod vocatur Achestillesmede cum omnibus pertinentiis suis tenend et habend de me et haeredibus meis sine aliqua diminutione sive aliquo retenemento ad opus meum vel haeredum meorum ad terminum decem et septem annorum continue sequentium libere et quiete ab omni servitio saeculari et demanda pro uno denario mihi vel haeredibus meis in die Sancti Johannis Baptistae annuatim persolvendo Pro hac autem traditione et concessione mea praedicti abbas et conventus dederunt mihi prae manibus sex marcas argenti et dimidiam ad aquietandum me in Judaismo Et ut haec traditio etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.