Walterus de Clifforde omnibus hominibus suis et amicis tam praesentibus quam futuris salutem Sciatis me concessisse et praesenti carta mea confirmasse donationem quam Berta soror mea fecit ecclesiae Beati Petri et Hamelino abbati et monachis Gloucestriae concessione Helyae Giffardi filii sui primogeniti scilicet medietatem totius manerii de Ullingewike tam in dominio quam in villenagio in hominibus et terris in bosco et plano in pratis et pascuis in aquis et viis et semitis et omnibus aliis rebus excepta ecclesia et virgulto et veteri curia ita tamen quod Helyas dabit escambium in terra arabili suae medietatis secundum quantitatem medietatis curiae et virgulti Quare volo et concedo ut praedicta terra Sancti Petri et abbas et monachi Gloucestriae teneant eandem medietatem cum omnibus libertatibus et liberis consuetudinibus eidem manerio pertinentibus in perpetuam elemosinam liberam et quietam ab omni servitio excepta medietate servitii unius militis Huic concessioni et confirmationi meae interfuit et hoc ipsam concessit Walterus filius meus primogenitus anno ab Incarnatione Domini millesimo centesimo quinquagesimo secundo etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.