Haec est finalis concordia facta in curia domini regis apud Somertone in crastino Sancti Johannis Baptistae anno regni regis Eadwardi filii regis Henrici octavo coram Salomone de Roffensi Ricardo de Boylonde Roberto Fulconis et Willelmo Braybof justiciariis itinerantibus et aliis domini regis fidelibus tunc ibi praesentibus inter Reginaldum abbatem Sancti Petri Gloucestriae querentem et Johannem Treygoz deforciantem de advocatione ecclesiae de Burenham Unde placitum fuit inter eos in eadem curia scilicet quod praedictus Johannes recognovit praedictam advocationem praedictae ecclesiae cum pertinentiis esse jus ipsius abbatis et ecclesiae suae Sancti Petri Gloucestriae et illam eis reddidit in eadem curia et remisit et quietum clamavit de se et haeredibus suis praedicto abbati et successoribus suis et ecclesiae suae praedictae in perpetuum Et pro hac recognitione redditione remissione quieta clamantia fine et concordia idem abbas remisit et quietum clamavit de se et successoribus suis et ecclesia sua praedicta praedicto Johanni et haeredibus suis totum jus et clamium quod habuit in advocatione ecclesiae de Lydethard in comitatu Wiltesirae in perpetuum

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.