Notum sit omnibus ad quos pervenerit haec scriptura quod cum inter Henricum abbatem Cyrencestriae ex parte una et Reginaldum abbatem Sancti Petri Gloucestriae ex altera pro diversis querelis sectis hundredorum et aliis hinc inde exactionibus orta esset materia quaestionis communibus amicis intervenientibus lites conquestiones et exactiones conquieverunt sub hac forma videlicet quod praedictus abbas Cyrencestriae sectam ad hundredum seu hundreda sua exactam ab abbate Gloucestriae pro tenemento cum pertinentiis quod fuit Roberti Bussel in manerio de Estlecche quam sectam idem Robertus et antecessores sui facere dicebantur seu tenebantur sub forma subscripta facere permisit seu concessit in futurum scilicet quod praefatus abbas Gloucestriae et successores sui quamdiu terram praefatam praedicti Roberti in manu sua retinuerint ballivum suum de Estlecche qui pro tempore fuerit per litteras suas patentes attornatum constituant qui sectam pro praedicto tenemento faciat locis et diebus debitis et consuetis sine calumnia occasione vel contradictione abbatis Cyrencestriae vel suorum quorumcunque ballivorum ita quod ballivus abbatis Gloucestriae hujusmodi amoto seu decedente aliis ballivis loci ejusdem ei succedens modo praedicto constituatur et sine contradictione alicujus admittatur Si vero contigerit quod abbas Gloucestriae et conventus tenementum quod praedictus Robertus Bussel tenuit alicui tradiderint tenend de eisdem in feodo ille qui tenementum tenuerit sectam pro eodem tenemento sit facturus et ballivus abbatis Gloucestriae antedictus de secta hujusmodi quam facere consueverat pro tenemento supradicti Roberti extunc sit omnino quietus Abbas Beati Petri Gloucestriae pro se et successoribus suis totum jus et clamium quod habuit vel habere potuit exigendi seu habend communam pasturae in locis ubi molendinum ipsius abbatis Cyrencestriae apud Duntesburne Notebem stagnum et vivarium construuntur in una crofta clausa quae est in parte occidentali curiae ipsius abbatis in eadem villa de Duntesburne sine aliqua contradictione remisit in perpetuum ita videlicet quod liceat praedicto abbati Cyrencestriae croftam praedictam quocunque genere clausturae claudere sine ipsius abbatis et conventus Gloucestriae contradictione salvo jure tenentium duas acras infra croftam de feodo eorum Concessit etiam idem abbas Gloecestriae pro se et successoribus suis quod praedictus abbas Cyrencestriae duas acras quas homines sui tenent infra croftam praedictam de feodo ipsius abbatis Gloucestriae a tenentibus eas possit excambiare et cum tota pastura praedicta de et successoribus suis separata licite retinere in perpetuum ita tamen quod abbas Gloucestriae idem jus habeat in ipsis duabus acris excambiatis sicut habuit in duabus acris infra croftam contentis Insuper concessit saepedictus abbas Gloucestriae praenominato abbati Cyrencestriae quod in oratorio suo apud Duntesburne infra limites parochiae cujus existit patronus constructo licite divina possit celebrare salvo jure cujuscunque cum ibidem venerit cum sua familia celebrata audire dum tamen praedicta ecclesia debitis obsequiis et consuetis non fraudetur Et ut firma pax mutua caritas et concordia inter partes efficiatur augeatur et servetur in perpetuum omnes actiones conquestiones et lites inter partes prius subortae omnino in posterum mutuo relaxantur sopiantur et conquiescant Ut autem omnia ista firma et inconcussa remaneant huic scripto in modum cyrographi confecto penes utramque partem remanenti sigilla praedictorum abbatum et conventuum alternatim sunt appensa Data et acta in vigilia Paschae anno gratiae millesimo ducentesimo septuagesimo quinto

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.