Haec est finalis concordia facta in curia domini regis apud Westmonasterium in octabis Sancti Hyllarii anno regni regis Henrici filii regis Johannis vicesimo nono coram Henrico de Bathonia Rogero de Turkeby Roberto de Notingham Jollano de Neofvile et Gilberto de Prestone justiciariis et aliis domini regis fidelibus tunc ibi praesentibus inter Johannem de Frethorne querentem et Johannem abbatem de Gloucestria deforciantem per Adam Marescallum positum loco suo ad lucrandum vel perdendum de quadam piscaria in aqua de Sabrina Unde idem Johannes questus fuit quod Henricus abbas Gloucestriae praedecessor ipsius abbatis injuste levavit praedictam piscariam in praedicta aqua ex opposito de Pucheacre ad nocumentum liberi tenementi ipsius Johannis et haeredum suorum ita quod idem abbas et successores sui habeant in praedicta aqua viginti puches sine contradictione ipsius Johannis et haeredum suorum ita quod idem abbas et successores sui ibidem in praedicta aqua nullo alio modo poterunt piscari nec plures puches habere in eodem loco nec idem Johannes nec haeredes sui de caetero aliquam communam piscationis poterunt clamare in praedicta aqua in praedicto loco in perpetuum Et pro hac concessione fine et concordia idem abbas dedit praedicto Johanni viginti marcas argenti

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.