Universis Christi fidelibus ad quorum notitiam praesens scriptum pervenerit Johannes permissione divina abbas Sancti Petri Gloucestriae et ejusdem loci conventus salutem in Domino sempiternam Vestra noverit universitas nos ex gratia domini regis et licentia speciali nobis per breve suum concessis assensu et unanimi consensu dedisse concessisse et carta nostra confirmasse pro nobis et successoribus Willelmo de Doveria capellano magistro et fratribus Hospitalis Beatae Mariae juxta Wychium totum tenementum quod habuimus vel aliquo modo tempore confectionis hujus scripti habere potuimus in villa de Wyttone Beatae Mariae et in Wychio cum juribus tenentibus eorum homagiis redditibus servitiis curiarum sectis eschaetis et aliis pertinentiis quibuscumque Praeterea dedimus et concessimus eisdem Willelmo magistro et fratribus praedictis et eorum successoribus quandam bulleriam quam habuimus ibidem cum libertatibus omnibus ad eam spectantibus salvo sale prioris Herefordiae quod appellatur laghesalt a diversis tenentibus in Wychio sibi debito et consueto habend et tenend dictum tenementum cum bulleria praedicta cum omnibus aliis praedictis et pertinentiis suis singulis tam in Wyttone quam in Wychio praenominatis praedictis Willelmo magistro et fratribus praedictis et eorum successoribus de domino rege capitali illius feodi domino adeo libere et quiete sicut nos eadem habuimus vel habere potuimus in perpetuum Reddendo inde annuatim domino regi suis haeredibus et omnibus aliis quibuscumque redditus consuetudines et omnia servitia debita et consueta et faciendo domino regi et haeredibus suis sectam ad curiam suam de Berthona extra Gloucestriam quam nos facere consuevimus pro eisdem Pro hac autem donatione concessione et confirmatione dedit nobis praedictus Willelmus quinquaginta marcas sterlingorum prae manibus Quare nos et successores nostri totum dictum tenementum et bulleriam praedictam cum omnibus aliis praedictis et eorum pertinentiis quibuscumque dictis Willelmo magistro et fratribus praedictis et eorum successoribus si contingat ipsos de praedictis implacitari warentizabimus in perpetuum In cujus rei testimonium praesenti scripto ad modum cyrographi confecto et inter nos diviso sigilla nostra alternatim sunt appensa Datum Gloucestriae die Sancti Kenelmi regis et martiris anno regni regis Edwardi tertiodecimo

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.