Sciant presentes et futuri quod ego Mabilia quondam uxor Johannis le Engleys in mea viduitate et ligia potestate dedi et concessi et hac mea presenti carta confirmaui domino Willelmo priori Wigorn[] et eiusdem loci conuentui molendinum meum de Dodeham[] cum omnibus pertinentiis suis et terram Osberti Golde cum omni seruitio quod idem Osbertus mihi facere consueuerat de terra sua predicta cum omni jure quod habui uel habere potui in dicto molendino et terra dicti Osberti Tenendum et habend in perpetuum de me et heredibus meis libere et quiete pacifice et honorifice integre et plenarie cum omnibus libertatibus in omnibus rebus et locis que ad me pertinent siue ad heredes meos Reddendo inde annuatim mihi et heredibus meis decem solidos et sex denarios ad duos anni terminos scilicet ad Annuntiationem sancte Marie quinque solidos et ad festum sancti Michaelis quinque solidos et vi denarios pro omni seruicio seculari Ego uero Mabilia et heredes mei dictum molendinum et dictam terram sicut dictum est cum omnibus pertinentiis suis dictis priori et conuentui per dictum seruicium contra omnes homines et feminas warantizabimus Pro hac autem mea donatione concessione et warantizatione dederunt mihi memorati prior et conuentus tresdecim marcas argenti et dimidiam de introitu in gersumam Et ut hec mea donatio concessio et warantizatio perpetue firmitatis robur optineant huic presenti carte mee sigilli mei impressionem apposui Hiis testibus etc

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.