Assisa uenit recognoscere quis aduocatus tempore pacis presentauit ultimam personam que mortua est ad ecclesiam de Berg[] que uacat etc et cuius aduocationem Rogerus de Berg[] clamat uersus priorem Maluern[] et custodem prioratus Wig[] Qui uenerunt et custos prioratus Wig[] per dominum Cant[] uenit et dicit quod assisa non debet inde fieri quia capella illa quam Rogerus appellat ecclesiam est capella pertinens ad ecclesiam de Uuereberi que est de donatione prioratus Wigorn[] Et preterea idem Rogerus nullum ius habere potest in aduocatione illius capelle quia Robertus de Berg[] pater ipsius Rogeri si quid iuris habuit in illa aduocatione illud remisit et quietum clamauit predicte ecclesie de Ouereberi et inde profert cartam eiusdem Roberti que testatur quod ipse super subiectione capelle de Berg[] ad matricem ecclesiam de Uuereberi rei ueritate diligenter inquisita et cognita recognouit et concessit deo et ecclesie sancte Fidis de Uuereberi predictam capellam de la Berg[] tanquam capellam ab antiquo tempore et de iure ad predictam ecclesiam de Uuereberi ut ad suam matricem ecclesiam pertinere Et profert etiam cartam h[enrici] quondam Wigorn[] episcopi que testatur quod capella pertinet ad ecclesiam de Uuereberi Et quia pater suus quietum clamauit ius suum uidetur ei quod filius suus nihil iuris clamare potest Et prior Maluernie dicit quod aduocatio illius ecclesie ad eum pertinet quia Robertus pater suus dedit domui sue ecclesiam de Berg[] per cartam suam quam profert et quod donum Mud testatur Et dicit quod prior Maluernie illam dedit cuidam Godefrido qui ad presentationem suam fuit admissus Et Rogerus dicit quod carte ille ut de priore Maluernie ut de custode Wigorn[] ei non debent nocere quin assisa procedat quia post omnes cartas illas si unquam facte fuerunt presentauit pater suus Magistrum Radulfum de Stok[] qui ultimo obiit persona et inde petit assisam Et prior Maluernie cognoscit quod Magister Radulfus fuit persona post Godefridum et quod Godefridus obiit x annis transactis et ideo de eo nichil fiat quia ipse nichil clamare potest de ultima presentatione Et custos dicit quod ille g[odefridus] nunquam fuit persona de Berg sed quidam Uctredus qui fuit persona ecclesie de Uuereberi ad presentationem prioris Wig[] cum capella de Berg[] fuit in possessione ut persona integre et prior qui eundem Uctredum presentauit obiit Et ipso defuncto alius prior electus fuit qui fuit auunculus Magistri G de Linderugg[] et rogauit eundem Uctredum pro eodem G ita quod ad peticionem eiusdem prioris concessit ei Uctredus capellam de Berg[] reddendo per annum duos bisantios eidem Uctredo Post uero obiit ille prior quo defuncto idem Uctredus quia non dilexit tamen predictum G sicut prius fecerat tempore auuunculi sui inplacitauit ipsum G ita quod in placito illo obiit Uctredus Postea uero Uctredo defuncto presentauit predictus prior Magistrum Radulfum de Stok[] ad ecclesiam de Uuerberi qui statim ex quo fuit institutus perquisiuit litteras domini pape per quas inplacitauit predictum et per placitum illud eiecit eum de capella illa saluis tamen v marcis quas Magister Radulfus ei dedit per annum pro bono pacis Et quia continetur in carta Roberti de Berg[] quod idem Robertus conquisiuit super subiectionem capelle de Berge ad matricem ecclesiam de Uuerebir[] et conquisita ueritate illa et cognita recognouit et concessit deo et ecclesie sancte Fidis de Uuerebir[] predictam capellam tanquam capellam ab antiquo tempore et de iure ad matricem ecclesiam de Uuerebir[] pertinere quam cartam idem Rogerus cognoscit consideratum est quod Rogerus nihil potest clamare in aduocatione predicte capelle de Berg[] et sit in misericordia Et custos prioratus Wig[] habeat saisinam suam tanquam de capella spectante ad matricem ecclesiam de Uuerebir[] que est de aduocatione sua ratione custodie et habeat breue ad episcopum

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.