Radulfus de Diua prior fratrum Hospitalis Ierusalem in Anglia et totum capitulum fratrum omnibus fidelibus salutem Sciant tam presentes quam futuri quod controuersia que uertebatur inter nos et Radulfum priorem et monachos Wigorn[] super capellis de Waletona et de Slabech coram Bartholomeo Exon[] episcopo amicabili compositione in hunc modum quieuit Prior uero et monachi Wigorn[] concesserunt nobis ecclesiam sancte Marie de Wicestuna et omne jus quod habuerunt in ea cum omnibus pertinentiis suis in capellis et terris et decimis et aliis obventionibus in perpetuum possidendam Nos uero communi consensu dedimus eis redditus decem marcarum et dimidie singulis annis in perpetuam possessionem et eos illis assignauimus in tribus locis usque ad v annos In Hahenepen iiij marcas et dimidiam In Boleslega iii marcas In Turford[] tres marcas Infra autem predictos quinque annos assignabimus eis hos redditus scilicet decem marcarum et dimidie in uno uel duobus locis tantum trium comitatuum scilicet Gloecestrie Virecestrie Hereford[] Nos uero eis et e conuerso ipsi nobis omnes cartas ad inuicem reddidimus quibus muniti fuimus in predictis possessionibus Si uero aliqua fuerit carta communis ad iura predictarum possessionum pertinens et ad alia iura nostra quociens opus fuerit ipsis monachis per unum ex fratribus nostris exhibebitur dum tamen hoc fiat expensis monachorum et illud idem ipsi facient nobis His testibus domino Rogero Wigorn[] episcopo et domino Ricardo Winton[] episcopo quibus mediantibus compositio ista facta fuit Johanne de Saresberi etc

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.