Istud recordum est in rotulis w[illelmi] de Raleg[] de placitis coram rege anno regni regis h[enrici] filii regis j[ohannis] xx de termino sancti Michaelis de capella de Grefton[] Johannes de Grafton[] tulit assisam ultime presentatione in comitatu coram iiii militibus uersus Willelmum de Furnell[] de capella de Grafton[] Et Willelmus venit et dicit quod ipse est persona de Bremesgraue et dicit quod capella illa pertinet ad ecclesiam suam de Bremesgraue et fuit in seisina xl annis elapsis et dicit quod aliquando fuit placitum inter ipsum et Johannem qui ultimo obiit firmarius et ibi recuperauit capellam illam ut pertinentem ad ecclesiam suam et post illam ei dimisit ad firmam pro dimidia marca et una summa frumenti Et unde dicit quod ipse Johannes obiit ut firmarius non ut persona et post mortem ipsius Johannis cepit capellam illam in manum suam ut pertinentem ad ecclesiam suam et sicut illam quam sic recuperauit Et Johannes requisitus quid fecit quam diu placitum illud durauit dicit quod nichil Et quia ipse Willelmus fuit inde in seisina per tantum tempus ratione ecclesie sue de Bremesgraue quam habet de dono domini regis remaneat in seisina sua Et Johannes perquirat sibi versus dominum regem si uoluerit Et mandetur episcopo Wigorn[] quod permittat ipsum Willelmum habere pacificam possessionem de eadem capella non obstante reclamatione ipsius Johannis

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.