Super testamentis factis a liberalibus hominibus presente Willelmo episcopo et s[enato] priore et clericis episcopi in capitulo Wigorn[] secundum antiquam consuetudinem hoc modo ordinatum est et constitutum Scilicet si dextrarius uel palefridus uel aurum cum corpore defuncti uenerit prioris erunt Si uero runcinus uel iumentum sacriste erunt Si uarium uel grisium uel arma camerarii erunt Omnes uero alie uestes sacriste erunt Si mappe uel mantilia refectorii erunt Si utensilia cellerarii erunt Qualitercumque uero testamentum fuerit stabunt ista Si uero testator testamentum suum in aliis rebus distincte fecerit ita quidem quod de bonis suis certis locis aliqua assignauerit stet uoluntas eius Si uero indistincte aliqua reliquerit Wigornensi ecclesie capitulum duas partes habebit terciam uero sacrista quocunque cimiterio sepeliatur Ista de liberis hominibus non monachatis prouisa sunt Si monachati fuerint ad succurrendum prior omnia habebit excepto quod si uigilia facienda fuerit sacrista omnia necessaria ad uigiliam inueniet prior uero soluet ei xxxii denarios De rusticis uero omnia pertinent ad sacristam

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.