Omnibus sancte matris ecclesie filiis presens scriptum inspecturis vel audituris Willelmus de Bleys diuina permissione Wig[] episcopus salutem in domino Ad uniuersitatis uestre noticiam uolumus peruenire quod cum inter nos ex una parte et dominum w[illelmum] priorem et conuentum nostrum Wig[] ex altera super capella sancte Helene Wigorn[] et eiusdem pertinentiis esset dissensio nos ad reprimendum discordie fomitem et bonum pacis reformandum de communi assensu nostro et dictorum prioris et conuentus ordinationem memorate capelle cum eiusdem pertinentiis domino W de Tynt[] rectori ecclesie de Kemes[] et magistro M de Grimel[] omni appellatione facta vel facienda remota commisimus Qui prehabita deliberatione et inuocata spiritus sancti gratia ordinauerunt secundum quod in scriptis super dicta ordinatione inter nos confectis plenius continetur quibus tam signum nostrum quam dictorum prioris et conuentus appensum est Nos uero dictam ordinationem secundum formam in eisdem scripturis contentam ratam habentes eam auctoritate pontificali confirmamus In cuius rei testimonium presenti scripto sigillum nostrum duximus apponendum Hiis testibus Galfrido canonico Johanne vicario de Hampton[] monialium Magistris Waltero de Tywe Roberto de Buckynh[] et Johanne de Blockel[] Anketillo persona de Stok[] Ricardo de Cumpton[] clerico Gileberto de Lyndes[] clerico Jordano clerico et aliis

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.