Willelmus Dei gratia Eboracensis archiepiscopus omnibus sancte matris ecclesie filiis tam presentibus quam futuris eternam in Domino salutem Nouerit uniuersitas uestra nos dedisse Deo et ecclesie Sancti Oswaldi de Nostra et canonicis ibidem Deo seruientibus caritatis intuitu ecclesiam de Wiuertorp cum omnibus pertinentiis suis que est de feodo beati Petri tempore quo eram ecclesie Sancti Petri thesaurarius in presentia Thurstini uenerabilis eiusdem ecclesie tunc archiepiscopi et totius eiusdem ecclesie capituli in puram et perpetuam elemosinam ad eorum sustentationem et causa hospitalitatis fouende Ut autem hec donatio rata maneat et inconcussa ecclesiam prenominatam predictis canonicis confirmamus et presens scriptum tanquam potens archiepiscopus sigilli nostri munimine corroboramus Quod etiam ad multorum notitiam peruenire congruum duximus literarum monimentis mandare prouida deliberatione decreuimus Nouerit igitur presens etas omniumque secutura posteritas quod Adelloldus Carliolensis episcopus prioratum ecclesie Sancti Oswaldi quam per multos annos in manu sua tenuerat corde compunctus sponte dimisit et canonicis eiusdem loci licentiam et libertatem eligendi sibi priorem concessit cuius consilio et aminiculo suffulti elegerunt de medio fratrum dominum Sanardum uirum honestum scientia et uita preclarum et electum nobis et capitulo Eboracensi presentauerunt quem benigne in priorem suscepimus et eorum electionem presenti nostra carta confirmauimus uolumus itaque ut nullus eis iniuriam uel contumeliam super prefata ecclesia uel eorum electione facere presumat Si quis uero contra paginam nostram aliquid attemptare presumpserit maledictionem Beati Petri et nostram se nouerit incursurum Hiis etc

Source Fulltext: Early Yorkshire Charters. W. Farrer. Ballantyne, Hanson & Co. Edinburgh. 1914.