Sciant omnes tam presentes quam futuri quod ego Alanus filius Thorfini filii Cospatrici reddidi Rogero Eboracensi archiepiscopo totam terram quam pater meus et antecessores mei tenuerant in Stanleia de feodo archiepiscopi et totum ius quod ego in ea habebam quietum clamaui eidem archiepiscopo et successoribus suis ita quod ego uel heredes mei nichil decetero in ea clamare poterimus et quia predictus donauit michi archiepiscopus xv marcas argenti et unum equum insellatum et[iam] unam carucatam terre in Biscoptona clamaui quietam ipsi archiepiscopo et successoribus suis de me et heredibus meis ita quod ego uel heredes mei nichil ulterius in eadem terra de Biscoptona clamare poterimus Et archiepiscopus ad petitionem meam dedit michi in escambium terram Rogeri filii Steinolf scilicet Chunegesland quam idem Rogerus tenuit de archiepiscopo reddendo inde annuatim xii denarios et alia quedam seruitia faciendo Dedit etiam michi archiepiscopus pro eodem escambio terram quam de illo tenebat Willelmus de Segni in Ripeshire [pro] qua reddebat annuatim ii solidos et alia seruitia faciebat Has autem terras dedit michi archiepiscopus liberas et quietas pro seruitio uicesime partis unius militis sicut Symon Ward et alii milites illius in Ripsire tenent in feudo militis Preter omnia ista dedit michi archiepiscopus pro hac concessione duas marcas argenti et ego tactis sacrosanctis Euangeliis iuraui me obseruaturum has conuentiones et quod heredes mei id ipsum facient Acta sunt hec apud Riponam in curia archiepiscopi anno nonodecimo regni Henrici nepotis Henrici senioris in tertio anno regni Henrici filii eiusdem regis dominica ante Cathedram Beati Petri Apostoli Testibus hiis Simone Ward Alexandro de Newebia Gernegoto filio Hugonis Ricardo de Wideuill Radulfo de Cramauill et Willelmo fratre eius Roberto de Muschamb filio Hugonis Roberto et Andrea auunculis eius Malgero de Stainton cognato eius Anchetino de Fagernun Ingenulfo milite archiepiscopi Gilberto Hareng[] Willelmo blundo Roberto pincerna Iohanne hostiario Willelmo ianuario seruientibus archiepiscopi Rogero de Thurlauill Roberto de Wigetoft Huchtredo Ricardo de Frisemarais pueris archiepiscopi g[alfrido] preposito Beuerlaci Iohanne archidiacono de Notingham Radulfo g[alfrido] capellanis archiepiscopi magistro Ansgoto magistro Luciano Willelmo senescallo domini archiepiscopi

Source Fulltext: Early Yorkshire Charters. W. Farrer. Ballantyne, Hanson & Co. Edinburgh. 1914.