Sciant presentes et futuri quod ego Nigellus de Plunton[] dedi et concessi et hac presenti carta mea confirmaui Agnete filie Ade filii Meldredi de Gikeleswic et heredibus suis quos habebit de Waltero filio Nigelli de Stockelde quadraginta acras terre arabiles in Langeberge pro homagio suo et seruicio scilicet propinquiores de Merebec in campo de Bethemeslai et communem pasturam usque Haukesbec suis aueriis et hominum suorum et preterea pasturam propriis bestiis suis usque Kexbec scilicet illas terras et illas pasturas quas ego tenui de Willelmo Mauleuerer et heredibus suis Dedi eciam prefate Agnete et heredibus suis predictis totam terram arabilem et inarabilem in campo de Nescefeld infra subnominatas diuisas scilicet ab aqua de Werf per Merebec uersus moram usque ad toftum Baldewin[i] cum eodem tofto et ita per capud eius orientale usque ad toftum Walteri forest[arii] et ita per illud toftum usque ad terram Widon[is] de Nescefeld et ita per terram illam usque ad meridianum capud de Dodderiding et totum Dodderiding et ita in longum uersus aquilonem usque Merethorn et ita per Heuedland[] usque Merestan et ita uersus occidentem usque Westmerethorn et ita usque latus aquilonare per filum sicheti propinquioris uersus le suh usque Holegate et sic in Werf et per Werf item usque ad Merebec Has omnes prenominatas terras et pasturas simul cum libera communione de Nescefeld scilicet in bosco et plano in pratis et pascuis in uiis et semitis in aquis et ripis in moris et marescis super terram et subtus infra uillam et extra dedi prefate Agnete filie Ade et heredibus suis predictis tenend de me et heredibus meis in feod[o] et hereditate libere et quiete illa et heredes sui sicut prescriptum est reddendo inde annuatim mihi et heredibus meis tam ipsa quam heredes sui duos solidos pro omnibus seruiciis secularibus et consuetudinibus et exactionibus cuilibet mortalium pertinentibus scilicet duodecim denarios ad Pentecosten et duodecim denarios ad festum sancti Martini Has igitur terras et communiones et pasturas ego Nigellus de Plunton[] et heredes mei prefate Agnete et heredibus suis predictis contra omnes homines warentizabimus inperpetuum Excepi tamen quindecim acras terre quas dedi de communi pastura Roberto filio Iordani in maritagio cum una filiarum mearum scilicet inter Bollescawhe et moram Hiis testibus Willelmo de Perci tunc uic[ecomite] Ebor[] Rainero Flandrensi Rob[erto] Walensi Roberto Uauasore Malg[ero] fratre eius Ric[ardo] de Godelesburc Hug[one] de Lelai Rad[ulfo] Mauleuerer Henrico fratre eius Rob[erto] le Beugrant Rob[erto] de Authenebi et aliis multis

Source Fulltext: Early Yorkshire Charters, the Honour of Skipton. C. T. Clay. Yorkshire Archaeological Society, Extra Series V.5. Yorkshire Archaeological Society. Wakefield. 1947.