Sciant presentes et futuri quod ego Willelmus comes de Warenna dono concedo et hac presenti carta mea confirmo Deo et sancto Pancratio et monachis de Lewes ibidem Deo seruientibus pro salute anime mee et Willelmi patris mei et omnium successorum meorum ecclesiam de Cuningeburgh[] cum ecclesiis capellis terris et decimis et omnibus ad eas pertinentibus scilicet ecclesiam de Bradwelle cum pertinenciis ecclesiam de Donington[] cum pertinenciis ecclesiam de Hertille cum pertinenciis ecclesiam de Fislac cum pertinenciis ecclesiam de Hetfeld cum capella de Torne et omnibus pertinenciis ecclesiam de Parua Sandale cum capella de Hernoldestorp[] cum omnibus pertinenciis ecclesiam eciam de Wakefeld cum capella de Horbir[] et omnibus pertinenciis suis ecclesiam de Halifax cum omnibus pertinenciis suis ecclesiam de Dewesbiri cum capella de Hertesheued et omnibus pertinenciis suis ecclesiam de Burton[] cum pertinenciis suis ecclesiam de Maiori Sandale cum omnibus pertinenciis suis Et si forte terre in quibus site sunt predicte ecclesie in alterius alicuius dominium quam in meum siue per homagium et seruicium siue per maritagium siue alio quocumque modo deuenerint uolo nihilominus et precipio ut predicte ecclesie et omnes alie quas habent de feodo meo predicti monachi ad sustentacionem eorum libere et quiete semper remaneant ita ut nullus omnino hominum in eisdem ecclesiis aliquod ius aduocacionis siue presentacionis sibi possit uendicare preter ipsos monachos meos quibus totum ius quod unquam habui uel habere potui in eisdem ecclesiis dedi et concessi nullo mihi uel heredibus meis in eisdem ecclesiis iure retento Hiis testibus Rad[ulfo] de War[enna] Hug[one] de Petraponte Radulfo de Plaix Roberto de Friuile Reg[inaldo] de Warenn[a] Adam de Poning[] Guyd[one] de Mencecourt Willelmo de Droseio et multis aliis

Source Fulltext: Early Yorkshire Charters, the Honour of Warenne. C. T. Clay. Yorkshire Archaeological Society, Extra Series V.6. Yorkshire Archaeological Society. Wakefield. 1949.