Sciant omnes tam presentes quam futuri quod ego Thomas Fossard filius Ade Fossard de Suttona dedi et concessi et hac presenti carta mea confirmaui Deo et beate Marie et abbati et conuentui de Bellal[anda] in liberam puram et perpetuam elemosinam feodum unius militis sine aliquo retinemento scilicet in Suttona in Martherby in Laisethorp[] in Hode et in uilla sancti Felicis cum omnibus pertinenciis libertatibus et aisiamentis suis in omnibus locis et rebus uidelicet dominico in terra arabili in pratis in pasturis in aquis in uiuariis in molendinis in boscis in planis in moris in mariscis in uillanagiis et homagiis libere tenentium in maritagiis wardis releuiis et escetis et in omnibus aliis seruiciis consuetudinibus auxiliis et sectis curie Hanc autem donacionem feci eis pro salute anime mee et omnium antecessorum et heredum meorum ad faciendum inde quicquid uoluerint imperpetuum Et ego Thomas et heredes mei manutenebimus warantizabimus et defendemus predictis abbati et conuentui de Bell[alanda] donacionem istam per omnia sicut supradictum est contra omnes homines imperpetuum Hiis testibus Rogero de Stapilt[ona] tunc uicecomite Eboracensi Iordano Hayrun Adam de Hiltona Olyuero de Buscy etc

Source Fulltext: Early Yorkshire Charters, the Stuteville Fee. C. T. Clay. Yorkshire Archaeological Society, Extra Series V.7. Yorkshire Archaeological Society. Wakefield. 1952.