Sciant presentes et futuri quod hec est conuencio inter monachos de Fontibus et monachos de Sallay mediantibus r[adulfo] de Fontibus et de Salleia abbatibus uidelicet quod predicti monachi de Fontibus dimiserunt prefatis monachis de Sallay totam pasturam suam quam habent in Bogelanda que uocatur Holmecnottes ex dono Matildis comitisse de Warewic tenend inperpetuum de ipsis ad firmam pro tribus marcis argenti annuatim reddendis apud grangiam de Kilnesai grangiario uel hospitario eiusdem loci scilicet xx s ad Pentecosten et xx solidis ad festum sancti Martini Hanc autem pasturam habebunt iam dicti monachi de Sallay libere quiete et honorifice sicut in carta predictorum monachorum de Fontibus quam habent de supradicta com[itissa] continetur quam cartam sepedicti monachi de Sallay ad tuicionem suam penes se habebunt Et sciendum quod si aliquando prefati monachi de Sallai predictam pasturam quauis occasione perdiderint ipsi firmam predictam persoluere non tenebuntur Hii sunt testes Ernaldus de Rieuall[] et Turgisius de Kirkestal abbates Petrus et Radulphus monachi de Fontibus

Source Fulltext: Early Yorkshire Charters, the Percy Fee. C. T. Clay. Yorkshire Archaeological Society, Extra Series V.9. Yorkshire Archaeological Society. Wakefield. 1963.