Hec est finalis concordia facta in curia domini regis apud West[monasterium] die ueneris proxima post ix dies Pasche anno regni regis Ricardi ix coram h[uberto] Cant[uariensi] archiepiscopo Ricardo Eliensi archidiacono magistro Thoma de Husseburn[] Ricardo de Herierd[] Osberto filio Heruei iohanne de Gestliges iusticiariis et aliis baronibus et fidelibus domini regis tunc ibidem presentibus inter Robertum le Uauasur petentem et abbatem de Salle tenentem de conuencione facta inter eos super terra de Tirnesco et super warantizacione carte predicti abbatis quam predictus Robertus habet de predicta terra cum pertinenciis in Tirnesco unde placitum fuit inter eos in prefata curia scilicet quod predictus abbas terram illam in manu sua tenebit et si ad firmam alicui dimittere uoluerit nulli alii nisi predicto Roberto ad firmam dimittere poterit Et sciendum quod abbas de Rupe qui predictam terram de abbate de Salle ad firmam habuit per Reginaldum monacum suum positum loco suo ad lucrandum uel perdendum in predicta curia quietam clamauit

Source Fulltext: Early Yorkshire Charters, the Percy Fee. C. T. Clay. Yorkshire Archaeological Society, Extra Series V.9. Yorkshire Archaeological Society. Wakefield. 1963.