Notum sit omnibus tam presentibus quam futuris Nigellum filium Radulphi concessu Willelmi filii Gilleberti de Mikelthuait concessisse abbacie sancte Marie de Sallai et monachis eiusdem loci unam carucatam terre in Bergabi cum omnibus appenticiis sine retentu pro amore Dei in elemosinam et ad firmam ab anno Incarnacionis Domini m c sexagesimo secundo a festo sancti Martini ipsius anni in annos septemdecim reddendo annuatim duodecim solidos pro omnibus que ad terram pertinent excepto recto danegeldo regis et post explecionem septemdecim annorum monachi abbacie tenebunt carucatam illam cum omnibus ad eam pertinentibus de Nigello et heredibus suis rate et perpetualiter in puram elemosinam libere et quiete ab omnibus que ad terram pertinent faciendo tantummodo forense seruicium quale w[illelmus] de Mikelthuait et pater eius Gillebertus et antecessores fecerunt Willelmo de Perci et Alano patri eius et antecessoribus eorum Et hanc donacionem fecit Willelmus filius Gilleberti et filius [eius] Willelmus ecclesie sancte Marie de Sallai et monachis ibidem Deo seruientibus concessione Nigelli et filii eius Walterii et concessione Willelmi de Perci capitalis domini Hanc eciam terram optulit Willelmus filius Gilleberti et filius eius super altare in Salleia Ubi autem Willelmus filius Gilleberti hanc terram dedit concessione Nigelli fuerunt testes Fulco sacerdos de Gairgraue et Walterius filius Nigelli et Iordanus filius Fulc[onis] et H de Mikelthuait cum aliis multis Ubi uero Willelmus de Perci hanc donacionem concessit fuerunt testes Alanus de Perci Gaufridus clericus Oliuer Langeuin Baldewinus filius Radulfi et alii Ubi autem hec terra oblata est [super] altar[e] fuerunt testes Dauid sacerdos Yberniensis Orm filius Carnwat Acca de Rimington[] Normannus Haldegat et alii multi

Source Fulltext: Early Yorkshire Charters, the Percy Fee. C. T. Clay. Yorkshire Archaeological Society, Extra Series V.9. Yorkshire Archaeological Society. Wakefield. 1963.