Omnibus sancte matris ecclesie filiis tam presentibus quam futuris Iohannes de Hesell[] salutem in Domino Sciatis me dedisse et concessisse et presenti carta mea confirmasse Deo et sancto templo Domini quod est in Ierusalem et canonicis ibidem Deo seruientibus totam culturam meam que est extra nemus de Hesell[] deuers le West que dicitur Westdayle scilicet illam culturam meam que est inter nemus illud de Hesell[] et Feriby pro salute animarum patris et matris mee et pro salute anime mee et heredum meorum et omnium benefactorum nostrorum Quare uolo et firmiter concedo et hac presenti carta mea confirmo quod predictum templum Domini et canonici ibidem Deo seruientes habeant et teneant in puram et perpetuam elemosinam prefatam culturam que est extra nemus de Hesell[] deuers le West quam eis dedi cum omnibus pertinenciis suis in uiis in semitis in introitibus in exitibus et ut habeant communem pasturam cum hominibus de Hesell[] in tantum quantum pertinet ad tenuram xx ti acrarum terre in eadem uilla de Hesell[] ita libere et quiete sicut aliqua elemosina liberius et quiecius potest dari Deo Et ego et heredes mei post me warantizabimus contra omnes homines Deo et predicto templo Domini quod est in Ierusalem et canonicis ibidem Deo seruientibus predictam culturam extra nemus de Hesell[] deuers le West et eam acquietabimus aduersus omnes homines de omni seruicio et consuetudine et exaccione seculari Et si casu aliquo uel infortunio contigerit quod nos prefatam culturam illis warantizare non poterimus nos dabimus eis in eodem territorio de Hesell[] excambium ad illius ualenciam de dominio nostro Quicunque autem hanc donacionem meam infringere uel infirmare attemptauerit indignacionem omnipotentis Dei et malediccionem meam incurrat Et ut hec donacio et concessio et confirmacio mea rata habeatur sigilli mei testimonio eam corroboraui Testibus Rogero persona de Houden et ceteris qui tunc presentes fuerunt cum domino Iohanne de Hesell[] in obsidione Acre quando prefatus Iohannes de Hesell[] hanc supradictam donacionem et cartam istam fecit Deo et sancto templo Domini quod est in Ierusalem et canonicis ibidem Deo seruientibus et cartam istam tradidit in manu domini Petribricii qui tunc temporis erat prior eiusdem templi dominici etc

Source Fulltext: Early Yorkshire Charters, the Tison Fee. C. T. Clay. Yorkshire Archaeological Society, Extra Series V.10. Yorkshire Archaeological Society. Wakefield. 1965.